മലപ്പുറം: മലപ്പുറം താനൂരില്‍ പന്തുകളിയെ ചൊല്ലിയുണ്ടായ വാക്കുതര്‍ക്കത്തിനിടെ യുവാവിന് വെട്ടേറ്റു. ഇന്നലെ രാത്രിയാണ് ഉണ്യാല്‍ സ്വദേശി അക്ബര്‍ ബാദുഷയെ ചീനിച്ചിന്റെ പുരക്കല്‍ ഉനൈസ് വെട്ടിയത്. ഇയാളെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
സംഭവത്തില്‍ ഉനൈസിനെതിരെ പൊലീസ് കേസെടുത്തു. രണ്ട് പേരും തമ്മില്‍ നേരത്തെ മുതല്‍ ഫുട്‌ബോള്‍ കളിയുമായി ബന്ധപ്പെട്ട് തര്‍ക്കമുണ്ടായിരുന്നു. ഇതിനെ ചൊല്ലിയുള്ള വാക്ക് തര്‍ക്കമാണ് കത്തിക്കുത്തില്‍ കലാശിച്ചത്. പ്രതി ഉനൈസ് നിരവധി അക്രമ കേസുകളില്‍ പ്രതിയാണ്.
Post Your Comments