ഫ്രഞ്ച് താരമായ 17കാരന്‍ അത്ഭുത ബാലന്‍ എഡ്വാര്‍ഡോ കാമവിംഗയെ സ്വന്തമാക്കാന്‍ റയല്‍ മാഡ്രിഡ് രംഗത്ത്. ഫ്രഞ്ച് ക്ലബായ റെന്നെസിന്റെ ഈ യുവ മധ്യനിര താരത്തെ അവസാന വര്‍ഷങ്ങളില്‍ റയല്‍ മാഡ്രിഡ് നിരീക്ഷിക്കുന്നുണ്ടായിരുന്നു. 16ആം വയസ്സില്‍ ഫ്രഞ്ച് ലീഗില്‍ അരങ്ങേറ്റം നടത്തിക്കൊണ്ട് കാമവിംഗ കഴിഞ്ഞ വര്‍ഷം വാര്‍ത്തകളില്‍ നിറഞ്ഞു നിന്നിരുന്നു. ഇതിനു പിന്നാലെയാണ് താരത്തിനായി ക്ലബ് രംഗത്തെത്തിയിരിക്കുന്നത്.
ഫ്രഞ്ച് അണ്ടര്‍ 21 ടീമിലും കളിച്ചിട്ടുള്ള താരം റെന്നെസിന്റെ അക്കാദമിയിലൂടെയാണ് വളര്‍ന്നുവന്നത്. പിന്നീട് താരം ഈ സീസണില്‍ സീനിയര്‍ ടീമില്‍ സ്ഥിര സാന്നിദ്ധ്യമായിരുന്നു എന്നതും ശ്രദ്ധേയമായിരുന്നു. ഇതിനകം റെന്നെസിനായി 30ല്‍ അധികം മത്സരങ്ങള്‍ കാമവിംഗ കളിച്ചു കഴിഞ്ഞു.
Post Your Comments