Jannah Theme License is not validated, Go to the theme options page to validate the license, You need a single license for each domain name.
Latest NewsNewsGulfOman

കോവിഡ്, ഒമാനില്‍ 62 പേര്‍ക്ക് കൂടി വൈറസ് ബാധ : പ്രവാസികൾ ആശങ്കയിൽ

മസ്‌ക്കറ്റ് : ഒമാനില്‍ പുതിയതായി 62 പേര്‍ക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്ത് ഇതുവരെ കോവിഡ് വൈറസ് ബാധിതരുടെ എണ്ണം 546 ആയി ഉയർന്നെന്നു ഒമാൻ ആരോഗ്യ മന്ത്രാലയം ഇന്ന് വാർത്താകുറിപ്പിലൂടെ അറിയിച്ചു. രാജ്യത്ത് ഇത് വരെ മൂന്ന് മരണമാണ് റിപ്പോർട്ട് ചെയ്തത്. 109 പേര്‍ രോഗമുക്തി നേടി. ഒമാനില്‍ കൊവിഡ് ബാധ റിപ്പോര്‍ട്ട് ചെയ്യപ്പെടുന്നവരില്‍ പകുതിയും വിദേശികളാണെന്നാണ് കണക്കുകൾ ചൂണ്ടിക്കാട്ടുന്നത്.

Also read : ആരോഗ്യ വകുപ്പിലെ മുന്‍ ആയുര്‍വേദ ഡോക്ടര്‍ കൊറോണ ബാധിച്ച് മരിച്ചു

അതേസമയം ഒമാനിൽകോവിഡ് 19 ബാധിതരുടെ എണ്ണം ഓരോദിവസം വര്‍ധിക്കുന്നതും വൈറസ്സിന്റെ പ്രഭവ സ്ഥാനം ‘മത്രാ’ പ്രവിശ്യ ആയതും മലയാളികളടക്കമുള്ള പ്രവാസികളെ ആശങ്കയിലാക്കുന്നു. മലയാളികള്‍ തിങ്ങിപ്പാര്‍ക്കുന്ന ‘മത്രാ’ പ്രവിശ്യയില്‍ നിന്നും കൂടുതല്‍ കോവിഡ് കേസുകൾ റിപ്പോര്‍ട്ട് ചെയ്യപ്പെടുന്നത് മലയാളികളെ പ്രതിസന്ധിയിലാക്കുന്നുണ്ട്. എത്രയും പെട്ടന്ന് തങ്ങളെ നാട്ടിലേക്ക് എത്തിക്കണമെന്നാണ് ഇവർ ആവശ്യപ്പെടുന്നത്. ‘മത്രാ’ പ്രവിശ്യയില്‍ ഉള്‍പ്പെടുന്ന വാദികബീര്‍, ദാര്‍സൈത്, ഹാമാരിയ, റൂവി എന്നിവടങ്ങളില്‍ സ്ഥിരതാമസക്കാരായ വിദേശികളിൽ ഏറിയ പങ്കും ഇന്ത്യക്കാരാണ്. ഇതിൽ ഭൂരിഭാഗവും മലയാളികൾ.

shortlink

Related Articles

Post Your Comments

Related Articles


Back to top button