ഭോപ്പാല്‍: മധ്യപ്രദേശ് തലസ്ഥാനമായ ഭോപ്പാലിലെ വിവിധ പള്ളികളില്‍ താമസിച്ചിരുന്ന തബ്ലീഗ് പ്രവര്‍ത്തകരെ ഒഴിപ്പിച്ച്‌ ആശുപത്രിയിലെത്തിക്കാന്‍ സഹായിച്ച 10 പൊലീസുകാര്‍ക്ക് കോവിഡ് 19 സ്ഥിരീകരിച്ചു. സിറ്റി പൊലീസ് സൂപ്രണ്ട്, സബ് ഇന്‍സ്പെക്ടര്‍, എട്ട് കോണ്‍സ്റ്റബിള്‍മാര്‍ എന്നിവര്‍ക്കാണ് രോഗബാധ. ഇതില്‍ അഞ്ചുപേരുടെ കുടുംബാംഗങ്ങള്‍ക്കും കോവിഡ് വൈറസ് ബാധിച്ചു. വൈറസ് ബാധ സ്ഥിരീകരിച്ചവരുമായി സമ്പര്‍ക്കമുണ്ടായിരുന്ന പൊലീസുകാര്‍ ക്വാറന്‍റീനില്‍ പ്രവേശിച്ചു.
ഡല്‍ഹിയിലെ മര്‍കസ് നിസാമുദ്ദീനില്‍ നടന്ന മതസമ്മേളനത്തില്‍ പങ്കെടുത്ത ചിലര്‍ ഭോപ്പാലിലെ പള്ളികളില്‍ എത്തിയിരുന്നു. ലോക്ക്ഡൗണ്‍ ആയതിനാല്‍ ഇവിടെ താമസിച്ചിരുന്ന ഇവരെ ഒഴിപ്പിച്ച്‌ വിവിധ ആശുപത്രികളിലേക്ക് മാറ്റിയ സംഘത്തിലെ 10 പേര്‍ക്കാണ് രോഗബാധ സ്ഥിരീകരിച്ചത്. ഭോപ്പാലിലെ എല്ലാ പൊലീസ് സ്റ്റേഷനും അണുവിമുക്തമാക്കും. 1000 പൊലീസുകാരെ ഹോട്ടലുകളില്‍ താമസിപ്പിച്ചിട്ടുണ്ട്. ജോലിക്കിടെ സാമൂഹിക അകലം പുലര്‍ത്താന്‍ നിര്‍ദേശിച്ചതായും ഭോപ്പാല്‍ ഐ.ജി ഉപേന്ദ്ര ജെയില്‍ അറിയിച്ചു.
വയനാട്ടില്‍ സഹായമെത്തിച്ച്‌ സ്മൃതിയും , അമേഠിയില്‍ സഹായവുമായി രാഹുലും
ഭോപ്പാലിലെ ജഹാന്‍ഗിരാബാദ്, ഐഷ്ബാഗ് പൊലീസ് സ്റ്റേഷനുകളിലെ പൊലീസുകാര്‍ ആണ് പള്ളികളിലും ടി.ടി നഗര്‍ പൊലീസ് സ്റ്റേഷന്‍ പരിധിയിലുള്ള കോളനിയിലും താമസിച്ചുവരികയായിരുന്ന തബ്ലീഗ് പ്രവര്‍ത്തകരെ ഒഴിപ്പിച്ചത്. ഏഴു വിദേശികള്‍ ഉള്‍പ്പെടെ മതസമ്മേളനത്തില്‍ പങ്കെടുത്ത 32 പേരെയാണ് പൊലീസ് ഭോപ്പാലിലെ വിവിധയിടങ്ങളില്‍ നിന്നും കണ്ടെത്തിയത്. ഇതില്‍ 20 പേര്‍ക്ക് കോവിഡ് 19 സ്ഥിരീകരിച്ചിരുന്നു.മധ്യപ്രദേശില്‍ 38 ആരോഗ്യപ്രവര്‍ത്തകര്‍ക്കും കോവിഡ് സ്ഥിരീകരിച്ചിരുന്നു. ഭോപ്പാലില്‍ മാത്രം 83 പേര്‍ക്കാണ് വൈറസ് ബാധ സ്ഥിരീകരിച്ചത്.
Post Your Comments