കേരളത്തിന് ഇത് അഭിമാനനിമിഷം; കോ​വി​ഡി​നെ തോ​ല്‍​പ്പി​ച്ച്‌ റാന്നിയിലെ വൃദ്ധ ദമ്പതികള്‍ ആശുപത്രി വിട്ടു

കോട്ടയം: കോവിഡ് ബാധിച്ച് കോട്ടയം മെഡിക്കല്‍ കോളജില്‍ ചികിത്സയിലായിരുന്ന റാന്നി സ്വദേശികളായ വൃദ്ധ ദമ്പതികൾ ആശുപത്രിവിട്ടു. ഇറ്റലിയില്‍ നിന്ന് വന്ന സ്വന്തം കുടുംബാംഗങ്ങളില്‍ നിന്നും രോഗം പിടിപെട്ട 93വയസ്സുകാരനായ തോമസ്, 88കാരിയായ ഭാര്യ മറിയാമ്മ എന്നിവരാണ് ആശുപത്രി വിട്ടത്. വെ​ള്ളി​യാ​ഴ്ച വൈ​കു​ന്നേ​ര​മാ​ണ് ഇ​വ​ര്‍ വീ​ട്ടി​ലേ​ക്ക് മ​ട​ങ്ങി​യ​ത്. 60 വയസിന് മുകളില്‍ കോവിഡ് 19 ബാധിച്ചവരെ ഹൈ റിസ്‌കിലാണ് പെടുത്തിയിരിക്കുന്നത്. ഇവർ വൈറസ് വിമുക്തരായതോടെ കേരളത്തിന് ഇത് അഭിമാനനിമിഷമാണ്.

Read also:മനുഷ്യകുലത്തിന്റെ ശത്രുക്കൾ; ചില തബ്‌ലീഗ് പ്രവർത്തകർക്കെതിരെ ദേശീയ സുരക്ഷാനിയമം ചുമത്താനൊരുങ്ങി യോഗി സർക്കാർ

ഫെബ്രുവരി 29ന് ഇറ്റലിയില്‍ നിന്നെത്തിയ പത്തനംതിട്ട ജില്ലയിലുള്ള മൂന്നംഗ കുടുംബത്തിനും അവരുമായി അടുത്ത് സമ്പര്‍ക്കം പുലര്‍ത്തിയ ഈ വൃദ്ധ ദമ്പതികള്‍ക്കുമാണ് മാര്‍ച്ച് 8ന് കോവിഡ് 19 സ്ഥിരീകരിച്ചത്. തുടര്‍ന്ന് ഇവരെ പത്തനംതിട്ട ജനറല്‍ ഹോസ്പിറ്റലില്‍ അഡ്മിറ്റാക്കി. ഈ വൃദ്ധ ദമ്പതികള്‍ക്ക് പരമാവധി ചികിത്സ നല്‍കി ജീവിതത്തിലേക്ക് കൊണ്ട് വരാന്‍ ശ്രമിക്കണമെന്ന് മന്ത്രി കെ.കെ. ശൈലജ ടീച്ചര്‍ നിര്‍ദേശം നല്‍കിയതിനെ തുടര്‍ന്നാണ് മാര്‍ച്ച് 9ന് ഇവരെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചത്. ഇ​വ​രു​ടെ സ്ര​വ പ​രി​ശോ​ധ​നാ​ഫ​ലം ര​ണ്ടു ത​വ​ണ​യും നെ​ഗ​റ്റീ​വ് ആ​യ​തോ​ടെ​യാ​ണ് ഡി​സ്ചാ​ര്‍​ജ് ചെ​യ്ത​ത്. ഇ​വ​രു​ടെ ര​ണ്ടാം പ​രി​ശോ​ധ​നാ​ഫ​ലം ര​ണ്ട് ദി​വ​സം മുൻപ് ലഭിച്ചിരുന്നു. ഇ​ത് നെ​ഗ​റ്റീ​വ് ആ​യി​രു​ന്നെ​ങ്കി​ലും മ​റ്റ് അ​സു​ഖ​ങ്ങ​ള്‍ ഉ​ണ്ടാ​യി​രു​ന്ന​തി​നാ​ല്‍ വീ​ട്ടി​ലേ​ക്ക് വി​ടു​ന്ന​ത് വൈ​കി​ക്കു​ക​യാ​യി​രു​ന്നു.വീട്ടിലെത്തിയതിനു ശേഷം 14ദിവസം കൂടി ഇവര്‍ നിരീക്ഷണത്തില്‍ തുടരും.ആംബുലന്‍സില്‍ ഇരുവരെയും റാന്നിയിലേക്കുള്ള വീട്ടിലേക്കാണ് കൊണ്ടുപോയത്. കോട്ടയം മെഡിക്കല്‍ കോളേജിലെ രണ്ട് മുതിര്‍ന്ന നഴ്സുമാരും ഇവര്‍ക്കൊപ്പം വീട്ടിലേക്ക് പോയിട്ടുണ്ട്.