തളിപ്പറമ്പ്: പുതിയ കാറെടുത്തതിന് പിന്നാലെ ലോക്ക് ഡൗൺ അനൗൺസ് ചെയ്തു. ഒടുവിൽ എന്തും വരട്ടെയെന്ന വിചാരവുമായി കാർ എടുത്ത് റോഡിലേക്കിറങ്ങി. ഇത്തരത്തിൽ പോലീസിനെ വലച്ച് ഒടുവിൽ പിടിയിലായിരിക്കുകയാണ് കാസർകോട് ആലമ്പാടി സ്വദേശി സി.എച്ച്.റിയാസ്. സത്യവാങ്മൂലമൊന്നും ഇയാൾ കൈയിൽ കരുതിയിരുന്നില്ല. കൂടാതെ പോലീസ് കൈ കാണിച്ചിട്ട് വണ്ടി നിർത്തിയതും ഇല്ല. 100–120 കിലോമീറ്റർ വേഗത്തിലായിരുന്നു വാഹനം ഓടിച്ചത്.
കോവിഡ് രോഗികളുടെ എണ്ണം കൂടുതലുള്ള കാസർകോട്ടുനിന്ന് ഒരാൾ വരുന്നതറിഞ്ഞ് വഴി തടയാൻ പോലീസിനൊപ്പം നാട്ടുകാരും കൂടി. ഒടുവിൽ ഇരിട്ടി മാലൂരിൽ വച്ച് നാട്ടുകാർ വാഹനം കുറുകെ ഇട്ട് വഴി തടഞ്ഞു. ഇതോടെ ഇയാൾ പോലീസിനെ ആക്രമിക്കാൻ ശ്രമിച്ചതായും റിപ്പോർട്ടുണ്ട്. ഒടുവിൽ കയ്യും കാലും കെട്ടിയിട്ടാണ് നാട്ടുകാർ റിയാസിനെ പൊലീസിനെ ഏൽപിച്ചത്. വാഹനവും അടിച്ചുതകർത്തു. അതേസമയം വാഹനം കസ്റ്റഡിയിൽ എടുത്ത ശേഷം ലോക്ഡൗൺ ലംഘിച്ച കുറ്റം ചുമത്തി റിയാസിനെ വിട്ടയച്ചു.
Post Your Comments