വാഹനാപകടത്തില്‍ നാലുപേര്‍ മരിച്ചു : മൂന്നുപേര്‍ക്ക് ഗുരുതരമായി പരിക്കേറ്റു.

മുംബൈ : വാഹനാപകടത്തിൽ നാല് പേർക്ക് ദാരുണാന്ത്യം. ലോക്ക്ഡൗണിനെത്തുടര്‍ന്ന് ഗുജറാത്തില്‍ നിന്ന് കാല്‍നടയായി സ്വദേശത്തേക്ക് പോകുകയായിരുന്ന ഏഴംഗ സംഘത്തിനിടയിലേക്ക് ലോറി പാഞ്ഞുകയറുകയായിരുന്നു.

Also read : ചിലര്‍ മരിച്ചു വീഴുന്നത് സ്വാഭാവികം; അപകട മരണങ്ങളുണ്ടാകുമെന്ന് കരുതി ആരും കാര്‍ ഫാക്ടറികള്‍ അടച്ചു പൂട്ടാറില്ലെന്ന് ബ്രസീലിയന്‍ പ്രസിഡന്റ്

ഗുജറാത്ത് -മഹാരാഷ്ട്ര അതിര്‍ത്തിയില്‍ മുംബൈ-അഹമ്മദാബാദ് ദേശീയപാതയിലായിരുന്നു അപകടമുണ്ടായത്. മൂന്ന് പേർക്ക് പരിക്കേറ്റു ഇവരുടെ നില ഗുരുതരമാണ്. കൊവിഡ് വൈറസ് വ്യാപനം തടയുന്നതിനുള്ള പ്രതിരോധ നടപടികളുടെ ഭാഗമായി സര്‍ക്കാര്‍ 21 ദിവസം ലോക്ക്ഡൗണ്‍ പ്രഖ്യാപിച്ചതോടെ തൊഴിലാളികള്‍ കൂട്ടത്തോടെ ഉത്തരേന്ത്യന്‍ നഗരങ്ങളില്‍ സ്വന്തം നാട്ടിലേക്ക് പാലായനം ചെയ്യുന്നത് തുടരുകയാണ്.