ഓഹരി വിപണി :  തുടര്‍ച്ചയായ നാലാം ദിവസവും ആരംഭിച്ചത് നേട്ടത്തിൽ

മുംബൈ : ഓഹരി വിപണി  തുടര്‍ച്ചയായ നാലാം ദിവസവും,  നേട്ടത്തോടെ തുടങ്ങി. സെന്‍സെക്സ് 1079 പോയിന്റ് ഉയര്‍ന്ന് 31,000ലും നിഫ്റ്റി 366 പോയിന്റ് ഉയര്‍ന്ന് 9000ലുമാണ് വ്യാപാരം പുരോഗമിക്കുന്നത്.  ബിഎസ്ഇയിലെ 505 കമ്പനികളുടെ ഓഹരികള്‍ നേട്ടത്തിലും 62 ഓഹരികള്‍ നഷ്ടത്തിലുമായപ്പോൾ 34 ഓഹരികള്‍ക്ക് മാറ്റമില്ല.

നിഫ്റ്റി ബാങ്ക് സൂചികയാണ് മികച്ച നേട്ടത്തിൽ എത്തിയത്. സൂചിക 7.34ശതമാനം ഉയര്‍ന്നു. മിഡ്ക്യാപ് സൂചിക 3.51ശതമാനവും സ്മോള്‍ ക്യാപ് 3.06 ശതമാനവും നേട്ടത്തിലാണ്. ഇന്‍ഡസിന്റ് ബാങ്ക്  ഐസിഐസിഐ ബാങ്ക്, യെസ് ബാങ്ക്, എച്ച്ഡിഎഫ്സി ബാങ്ക്, ആക്സിസ് ബാങ്ക്, തുടങ്ങിയ ഓഹരികൾ നേട്ടത്തിലായപ്പോൾ. ഹീറോ മോട്ടോര്‍കോര്‍പ്, ബജാജ് ഓട്ടോ,ഭാരതി എയര്‍ടെല്‍, തുടങ്ങിയ ഓഹരികള്‍ നഷ്ടത്തിലായി.