പ്ലസ് ടു വിദ്യാര്‍ഥി കുളത്തില്‍ മുങ്ങി മരിച്ചു

തൃപ്പൂണിത്തുറ : കൂട്ടുകാരോടൊപ്പം കുളത്തില്‍ കുളിക്കാനിറങ്ങിയ പ്ലസ് ടു വിദ്യാര്‍ഥി മുങ്ങി മരിച്ചു. ഉദയംപേരൂര്‍ മാങ്കായിക്കടവ് തുരുത്തില്‍ വീട്ടില്‍ സാബുവിന്റെയും സിന്ധുവിന്റെയും മകന്‍ അഭിജിത്താണ് (17) മരിച്ചത്. ഇന്ന് രാവിലെ 12 ഓടെ എരൂര്‍ ആസാദ് വാട്ടര്‍ ടാങ്കിന് സമീപമുള്ള കോടംകുളത്തില്‍ മൂന്നു കൂട്ടുകാര്‍ക്ക് ഒപ്പമാണ് അഭിജിത്ത് കുളിക്കാന്‍ എത്തിയത്. എസ്എന്‍ഡിപി എച്ച്എസ്എസിലെ പ്ലസ് ടു വിദ്യാര്‍ഥിയാണ് അഭിജിത്ത്.