ന്യൂഡൽഹി: 52 പേരുടെ മരണത്തിനിടയാക്കിയ ഡൽഹിയിലെ കലാപത്തിന് കാരണമായ വിദ്വേഷ പ്രസംഗ ആരോപണത്തിൽ കോൺഗ്രസ് നേതാക്കളായ സോണിയ ഗാന്ധി, രാഹുൽ ഗാന്ധി, പ്രിയങ്ക ഗാന്ധി വാദ്ര എന്നിവർക്കെതിരെ എഫ്‌ഐആർ രജിസ്റ്റർ ചെയ്യണമെന്ന ഹർജിയിൽ ദില്ലി ഹൈക്കോടതി നോട്ടീസ് നൽകി. ലോയേഴ്സ് വോയ്‌സ് vs യു‌ഐ‌ഐ & ഓർ‌സ് ആണ് ഹർജിക്കാർ.
ആം ആദ്മി നേതാവ് മനീഷ് സിസോഡിയ, എം‌എൽ‌എ അമാനത്തുല്ല ഖാൻ, എ‌ഐ‌ഐ‌എം നേതാക്കളായ വാരിസ് പത്താൻ, അക്ബറുദ്ദീൻ ഒവൈസി, അഭിഭാഷകൻ മെഹ്മൂദ് പ്രാച എന്നിവർക്കെതിരെയും വിദ്വേഷ പ്രസംഗം രജിസ്റ്റർ ചെയ്യണമെന്നും ഹരജിയിൽ ആവശ്യപ്പെടുന്നു.അഭിഭാഷകൻ അർച്ചന ശർമ്മ മുഖേനയാണ് ലോയേഴ്സ് വോയിസ് നിവേദനം നൽകിയത്. തുടർന്ന് ചീഫ് ജസ്റ്റിസ് ഡി എൻ പട്ടേൽ, ജസ്റ്റിസ് സി ഹരിശങ്കർ എന്നിവരടങ്ങിയ ഡിവിഷൻ ബെഞ്ചാണ് ദില്ലി പോലീസിനും കേന്ദ്രത്തിനും നോട്ടീസ് നൽകിയത്.
ഷഹീൻ ബാഗ് സമര പന്തൽ ശൂന്യം, മാധ്യമങ്ങൾ പഴയപോലെ പ്രാധാന്യം കൊടുക്കാതായതോടെ തിരക്ക് ഒഴിഞ്ഞു
എഫ്‌ഐ‌ആറുകളുടെ രജിസ്ട്രേഷൻ തേടുന്നതിനുപുറമെ, വിദ്വേഷ പ്രസംഗങ്ങളെക്കുറിച്ച് അന്വേഷിക്കുന്നതിനായി പ്രത്യേക അന്വേഷണ സംഘത്തിന്റെ (എസ്‌ഐടി)സേവനവും ആവശ്യപ്പെടുന്നുണ്ട്. ദേശീയ താൽപ്പര്യത്തിന് വിരുദ്ധമാണെന്നും ജനങ്ങളെ പ്രകോപിപ്പിക്കുമെന്നും മനീഷ് സിസോഡിയ നടത്തിയ ട്വീറ്റുകളും സോണിയ ഗാന്ധി നടത്തിയ പ്രകോപന പ്രസംഗങ്ങളും ഹരജിയിൽ അഭിഭാഷകൻ വായിച്ചു.
Post Your Comments