ഐലീഗില്‍ ചര്‍ച്ചില്‍ ബ്രദേഴ്‌സിന് വീണ്ടും നിരാശ. ഇംഫാലില്‍ വെച്ച് നടന്ന മത്സരത്തില്‍ ചര്‍ച്ചില്‍ ട്രാവുവിനോട് പരാജയപ്പെട്ടു. എതിരില്ലാത്ത ഒരു ഗോളിനായിരുന്നു ട്രാവുവിന്റെ വിജയം. 77ആം മിനുട്ടില്‍ ലഭിച്ച പെനാള്‍ട്ടി ആണ് ട്രാവുവിന് ജയം നല്‍കിയത്. പാട്രിക് ഒചു ആണ് കിക്ക് ലക്ഷ്യത്തില്‍ എത്തിച്ചത്.
നേരത്തെ ഗോവയില്‍ വെച്ച് ഏറ്റുമുട്ടിയപ്പോഴും ട്രാവുവിനോട് ചര്‍ച്ചില്‍ തോറ്റിരുന്നു. രണ്ടാം സ്ഥാനത്തേക്ക് എത്താനുള്ള അവസര ചര്‍ച്ചിലിന് നഷ്ടമായത്. 20 പോയന്റുമായി നാലാം സ്ഥാനത്താണ് ചര്‍ച്ചില്‍ ഇപ്പോള്‍ ഉള്ളത്. അതേസമയം ട്രാവു 16 പോയന്റുമായി 8ആം സ്ഥാനത്തുമാണ്.
Post Your Comments