ഐ ലീഗിൽ ചരിത്രം കുറിച്ച് ഗോകുലം കേരള എഫ് സി. കിരീടപോരാട്ടത്തിൽ ട്രാവുനെ പിന്നിൽ നിന്നും പൊരുതിക്കയറി തോൽപിച്ചാണ് ഗോകുലം കേരള ഐ ലീഗ് കിരീടത്തിൽ മുത്തമിട്ടത്. ഇതാദ്യമാണ് കേരളത്തിൽ നിന്നുള്ള ടീം ഐ ലീഗ് കിരീടം നേടുന്നത്. 24ാം മിനുട്ടിൽ ബിദ്യാസാഗർ സിങ്ങിലൂടെ മുന്നിലെത്തിയ ട്രാവുവിനെ ഷരീഫ് മുഹമ്മദ് (70), എമിൽ ബെന്നി (74), ഡെന്നി ആൻറ്വി(77), മുഹമ്മദ് റഷീദ് (90+4) എന്നിവരുടെ ഗോളിൽ മറികടക്കുകയായിരുന്നു.
70 മിനുട്ട് വരെ ഒരു ഗോളിന് പിന്നിട്ടശേഷം ഏഴു മിനിറ്റുകൾക്കുള്ളിൽ മൂന്നു ഗോളുകൾ കുറിച്ച് ട്രാവുവിന്റെ കിരീടം മോഹം തട്ടിത്തെറിപ്പിക്കുകയായിരുന്നു. ഇഞ്ചുറി ടൈമിന്റെ അവസാന നിമിഷം വല കുലുക്കി ഗോകുലത്തിന്റെ താരങ്ങൾ കിരീടം കൈപ്പിടിയിലൊതുക്കി. ഈ നേട്ടത്തോടെ എ എഫ് സി കപ്പിന് ഗോകുലം യോഗ്യത നേടി. നേരത്തെ ഡ്യൂറന്റ് കപ്പിൽ ഗോകുലം കിരീടം നേടിയിരുന്നു.
Post Your Comments