ഇന്ന് കൂടുതല്‍ ചൂട് അനുഭവപ്പെട്ടത് കണ്ണൂരില്‍: നാല് ജില്ലകളില്‍ കനത്ത ചൂട്

തിരുവനന്തപുരം: സംസ്ഥാനത്ത് ഇന്ന് ഏറ്റവുമധികം ചൂട് അനുഭവപ്പെട്ടത് കണ്ണൂരിൽ. 37.2 ഡിഗ്രീ സെല്‍ഷ്യസ് ചൂടാണ് കണ്ണൂരില്‍ ഇന്ന് രേഖപ്പെടുത്തിയത്. ശരാശരിയേക്കാൾ 4 ഡിഗ്രി കൂടുതലാണിത്. തിരുവനന്തപുരം, കോട്ടയം, കോഴിക്കോട് ജില്ലകളിലും ശരാശരിയിലും രണ്ട് ഡിഗ്രി കൂടുതൽ ചൂട് രേഖപ്പെടുത്തിയിട്ടുണ്ട്. അതേസമയം ആലപ്പുഴ ജില്ലയില്‍ ഇന്ന് 35.8 ഡിഗ്രീ ചൂട് രേഖപ്പെടുത്തി. സാധാരണ അനുഭവപ്പെടുന്നതിലും മൂന്ന് ഡിഗ്രീ അധിക ചൂടാണ് ഇത്.