ന്യൂഡല്‍ഹി: മെട്രോ ട്രെയിനില്‍ യുവതിക്ക് മുന്നില്‍ ലൈംഗികാവയവം പ്രദര്‍ശിപ്പിച്ച യുവാവിനെ പൊലീസ് അറസ്റ്റ് ചെയ്തു. സിവില്‍ എഞ്ചിനീയറായ കുമാര്‍ എന്നയാളെയാണ് പൊലീസ് അറസ്റ്റ് ചെയ്തത്. യുവതിയുടെ നൽകിയ പരാതിയുടെ അടിസ്ഥാനത്തിൽ ശനിയാഴ്ചയാണ് യുവാവിനെ പൊലീസ് പിടികൂടിയത്.
ബുധനാഴ്ച രാത്രിയാണ് സംഭവം നടന്നത്. സീറ്റില്‍ ഇരിക്കുകയായിരുന്ന തനിക്ക് നേരേ യുവാവ് പാന്റ്സിന്റെ സിബ്ബ് തുറന്ന് ലൈംഗികാവയവം പ്രദര്‍ശിപ്പിച്ചെന്നാണ് യുവതിയുടെ പരാതി. സിബ് അഴിച്ച ശേഷം കൈയിലുണ്ടായിരുന്ന ബാഗ് നീക്കിയാണ് യുവാവ് യുവതിയെ ലൈംഗികാവയവം കാണിച്ചത്.
ഏറെനേരം യുവതിയെ ഇയാൾ തുറിച്ചു നോക്കുകയും ചെയ്തു. ഇക്കാര്യം യുവാവിന്റെ ഫോട്ടോ സഹിതം യുവതി ട്വീറ്റ് ചെയ്തു. സംഭവം സാമൂഹികമാധ്യമങ്ങളില്‍ ചര്‍ച്ചയായതോടെ കര്‍ശന നടപടി സ്വീകരിക്കുമെന്ന് ഡല്‍ഹി മെട്രോ അറിയിച്ചിരുന്നു.
Post Your Comments