ദുബായ്: ഓണ്‍ലൈനായി ഓര്‍ഡര്‍ ചെയ്തിരുന്ന സൈക്കിള്‍ വീട്ടില്‍ എത്തിച്ചു നല്‍കുന്നതിനിടെ ഉപഭോക്താവിനെ ചുംബിച്ച കേസിൽ പ്രവാസി ജീവനക്കാരന് കോടതി ആറ് മാസം ജയില്‍ ശിക്ഷ വിധിച്ചു. 35കാരനായ പാകിസ്ഥാന്‍ പൗരനാണ് പ്രതി. ശിക്ഷ അനുഭവിച്ച ശേഷം ഇയാളെ നാടുകടത്താനും ഉത്തരവുണ്ട്. 34കാരിയായ ബ്രിട്ടീഷ് യുവതിയാണ് പരാതി നല്‍കിയത്. നേരത്തെ കോടതിയില്‍ ഹാജരാക്കിയപ്പോള്‍ ഇയാള്‍ കുറ്റം നിഷേധിച്ചിരുന്നു.
ഭര്‍ത്താവിന്റെ ജന്മദിനത്തില്‍ സമ്മാനിക്കാനായാണ് സൈക്കിളിന് ഓർഡർ നൽകിയത്. എട്ട് മണിയോടെ യാണ് സൈക്കിൾ നൽകാനായി ഡെലിവറി ജീവനക്കാരൻ എത്തിയത്. സൈക്കിള്‍ ഏറ്റുവാങ്ങാനായി വാഹനത്തിനടുത്തേക്ക് ചെന്ന തന്റെ കൈ പിടിച്ച് ചുംബിക്കുകയായിരുന്നു. പേടിച്ചുപോയ ഞാൻ വീടിനുള്ളില്‍ കയറി വാതിലടച്ചു. പിന്നീട് സൈക്കിള്‍ എടുത്തുകൊണ്ട് വീടിന് മുന്നില്‍ കൊണ്ടുവെച്ചശേഷം കോളിങ് ബെല്ലടിച്ചു. സൈക്കിള്‍ എടുക്കാനായി പുറത്തേക്കിറങ്ങിയ തന്റെ കൈയില്‍ പിടിച്ച് അടുത്തേക്ക് വലിക്കുകയും വീണ്ടും ചുംബിക്കുകയും ചെയ്തുവെന്നാണ് ഇവർ പരാതി നൽകിയത്.
Post Your Comments