മെസ്സിയുടെ മികവില്‍ ബാഴ്‌സലോണ വിജയ വഴിയിലേക്ക് തിരികെയെത്തി. ഇന്നലെ നടന്ന മത്സരത്തില്‍ റയല്‍ ബെറ്റിസിനെതിരെ ആയിരുന്നു ബാഴ്‌സയുടെ വിജയം. രണ്ട് തവണ പിറകില്‍ പോയ ശേഷമാണ് ബാഴ്‌സലോണ തിരിച്ചടിച്ചത്. 3-2നാണ് ടീമിന്റെ വിജയം. ഹാട്രിക്ക് അസിസ്റ്റുകളുമായി മെസ്സി തന്നെയാണ് ബാഴ്‌സലോണയുടെ താരമായി മാറിയത്.
കളി തുടങ്ങി ആറാം മിനുട്ടില്‍ ഒരു പെനാള്‍ട്ടി വഴങ്ങി ബാഴ്‌സ പിറകിലായി. കനാലസ് ആണ് പെനാള്‍ട്ടി ലക്ഷ്യത്തില്‍ എത്തച്ചത്. പക്ഷെ 9ആം മിനുട്ടില്‍ ഡിജോങിലൂടെ ബാഴ്‌സ സമനില പിടിച്ചു. മെസ്സി ആണ് ആ ഗോള്‍ ഒരുക്കിയത്. 26ആം മിനുട്ടില്‍ നെബില്‍ ഫെകിര്‍ വീണ്ടും ബെറ്റിസിനെ മുന്നില്‍ എത്തിച്ചു. ഇത്തവണയും മെസ്സി തന്നെ ബെറ്റിസിന്റെ സ്വപനങ്ങള്‍ക്ക് വില്ലനായി എത്തി. ബുസ്‌കെറ്റ്‌സ് ആണ് ബാഴ്‌സയുടെ രണ്ടാം ഗോള്‍ നേടിയത്.
രണ്ടാം പകുതിയില്‍ ലെങ്‌ലെറ്റിലൂടെ ബാഴ്‌സലോണ വിജയ ഗോളും നേടി. വിജയ ഗോളിന് പിന്നാലെ ലെങ്‌ലെ ചുവപ്പ് കാര്‍ഡ് വാങ്ങി പുറത്തു പോയി. ബെറ്റിസ് താരം ഫെകിറും ചുവപ്പ് വാങ്ങി. ഈ വിജയത്തോടെ ബാഴ്‌സലോണ വീണ്ടും റയലിന് മൂന്ന് പോയിന്റ് പിറകില്‍ എത്തി.
Post Your Comments