ന്യൂഡൽഹി: മോദി സർക്കാരിനെതിരെ കോൺഗ്രസ്.മോദി സർക്കാരിനെ ചോദ്യം ചെയ്യാൻ ശ്രമിക്കുമ്പോഴെല്ലാം ബിജെപി ഗവണ്മെന്റ് ശബ്ദം പുറപ്പെടുവിച്ച് അത് തടസപ്പെടുത്തുകയാണെന്നു രാഹുൽ ഗാന്ധി ആഞ്ഞടിച്ചു.കേന്ദ്ര ആരോഗ്യമന്ത്രി ഹർഷ് വർധൻ സർക്കാരിലെ ഉന്നതരുടെ നിർദേശപ്രകാരം ആണ് സഭയിൽ പ്രവർത്തിച്ചതെന്നും രാഹുൽ ആരോപിച്ചു. മോദി ഒരു പ്രധാനമന്ത്രിക്കു യോജിച്ച തരത്തില്‍ അല്ല പെരുമാറുന്നതെന്നായിരുന്നു രാഹുലിന്‍റെ മറുപടി.
സാധാരണഗതിയില്‍ പ്രധാനമന്ത്രിക്ക് ഒരു പ്രത്യേക പദവിയും പെരുമാറ്റ രീതികളുമുണ്ട്. എന്നാല്‍, നമ്മുടെ പ്രധാനമന്ത്രിക്ക് ഇതൊന്നും തന്നെയില്ലെന്നും രാഹുല്‍ പ്രതികരിച്ചു. മോദിയുടെ പ്രസംഗത്തിനിടെ വിമര്‍ശനവുമായി രാഹുല്‍ എഴുന്നേറ്റപ്പോഴായിരുന്നു മോദിയുടെ പരിഹാസം. കഴിഞ്ഞ 30-40 മിനിട്ടുകളായി താന്‍ സംസാരിക്കുന്നു. എന്നാല്‍, പലര്‍ക്കും കാര്യം ഇപ്പോള്‍ പിടികിട്ടി തുടങ്ങിയിട്ടേയുള്ളൂ. പല ട്യൂബ് ലൈറ്റുകളും ഇങ്ങനെയാണെന്നായിരുന്നു മോദിയുടെ പരിഹാസം.
Post Your Comments