ന്യൂഡല്‍ഹി: രാജ്യതലസ്ഥാനത്തെ ഞെട്ടിച്ച് വീണ്ടും വെടിവെയ്പ് . ഡല്‍ഹി ജഫ്രാബാദിലാണ് വെടിവെയ്പ്പ് നടത്തിയതെന്നാണ് ലഭിക്കുന്ന വിവരം. തുടരെ നാല് തവണയാണ് വെടിയുതിര്‍ത്തതെന്നാണ് റിപ്പോര്‍ട്ട്. കൂടുതല്‍ വിവരങ്ങള്‍ പുറത്ത് വിട്ടിട്ടില്ല. നേരത്തെ പൗരത്വനിയമ ഭേദഗതിക്കെതിരായ പ്രതിഷേധം ശക്തമായ ജാമിയമിലിയ സര്‍വ്വകലാശാലയിലും ഷഹീന്‍ ബാഗിലും വെടിവെപ്പ് നടത്തിയിരുന്നു.
Read Also : ജാമിയ മിലിയയിലെ വെടിവെയ്പ്പ് പ്രതികരണവുമായി അമിത് ഷാ
സ്‌കൂട്ടറില്‍ എത്തിയ രണ്ടുപേര്‍ ക്യാംപസിന്റെ അഞ്ചാം ഗേറ്റിന് മുന്നില്‍ നിന്ന് ആകാശത്തേക്ക് വെടിവയ്ക്കുകയായിരുന്നു. ആക്രമണത്തില്‍ ആര്‍ക്കും പരിക്കില്ല. സംഭവത്തില്‍ അന്വേഷണം നടക്കുകയാണ്. അതിനിടെയാണ് ഷഹീന്‍ ബാഗില്‍ സമരക്കാര്‍ ഇരിക്കുന്ന സ്ഥലത്തിന് സമീപത്തും വെടിവെപ്പുണ്ടായത്. അതേസമയം, നാളെ നിയമസഭാ തെരഞ്ഞെടുപ്പ് നടക്കുന്നതിനാല്‍ വെടിവെയ്പ് ഉണ്ടായതില്‍ ജനങ്ങള്‍ ആശങ്കയിലാണ്
Post Your Comments