ഐഎസ്എല്ലില്‍ കരുത്തരായ എഫ്സി ഗോവക്കെതിരെ ഇറങ്ങുന്ന കേരളാ ബ്ലാസ്റ്റേഴ്‌സ് ടീമില്‍ നിര്‍ണായക മാറ്റങ്ങള്‍. ജെംഷദ്പൂരിനെതിരായ മത്സരത്തില്‍ കളിച്ച ടീമില്‍ നിന്ന് മൂന്ന് മാറ്റങ്ങളാണ് ഇന്നത്തെ ടീമില്‍. മധ്യനിരയില്‍ രണ്ടും പ്രതിരോധത്തില്‍ ഒന്നുമാണ് മാറ്റങ്ങള്‍.
മധ്യനിരയിലെ സ്പാനിഷ് സൂപ്പര്‍ താരം സെര്‍ജി സിഡോഞ്ചയുടെ തിരിച്ചുവരവാണ് ആദ്യ ഇലവനിലെ പ്രധാന മാറ്റം. ഒപ്പം മധ്യനിരയില്‍ സെയ്ത്യാസെന്നും തിരിച്ചെത്തി. സഹല്‍ അബ്ദുള്‍ സമദ്, മരിയോ അര്‍ക്വെസ് എന്നിവര്‍ക്ക് പകരമാണിത്. പ്രതിരോധത്തില്‍ സസ്‌പെന്‍ഷനിലായ അബദുള്‍ ഹക്കുവിന് പകരം രാജു ഗെയ്ക്വാദ് ടീമില്‍ തിരിച്ചെത്തി.
ഇനിയുള്ള എല്ലാ കളിയും ജയിക്കുകയും മറ്റുള്ളവരുടെ ജയപരാജയങ്ങളെയും ആശ്രയിച്ചായിരിക്കും ബ്ലാസ്റ്റേഴ്സിന്റെ പ്ലേ ഓഫ് സാധ്യത. ഗോവയ്ക്കെതിരെ തോറ്റാല്‍ പിന്നെയെല്ലാം ചടങ്ങുതീര്‍ക്കലാവും ബ്ലാസ്റ്റേഴ്സിന്.
ടീം: ടി.പി.രഹനേഷ്, മുഹമ്മദ് റാക്കിപ്, രാജു ഗെയ്ക്വാദ്,വ്‌ലാറ്റ്‌കോ ഡ്രോബറോവ്, ജെസ്സല്‍ കമെയ്‌റോ, സെയ്ത്യസെന്‍ സിങ്, മുസ്തഫ ജിങ്, സിഡോ, ഹളിചരന്‍ നര്‍സാരി, ബര്‍ത്തലോമിയോ ഓഗ്‌ബെച്ചെ, മെസി ബൗളി
Post Your Comments