ദമാം : സൗദിയിൽ കാറോടിച്ച് പോകവേ നെഞ്ചുവേദന അനുഭവപ്പെട്ടു, തുടർന്ന് ആശുപത്രിയിലേക്കുള്ള യാത്രക്കിടെ പ്രവാസി മലയാളിക്ക് ദാരുണാന്ത്യം. പാലക്കാട് സ്വദേശിയും, ദമ്മാദിലെ ഗ്ലോബൽ ലോജിസ്റ്റിക് കമ്പനിയിലെ ജീവനക്കാരനുമായിരുന്ന സജ്ഞയ് മേനോൻ (48) ആണ് മരിച്ചത്.
സുഹൃത്തിനെ വീട്ടിൽ കൊണ്ടുപോയി വിട്ട ശേഷം താമസസ്ഥലത്തേക്ക് വാഹനമോടിച്ച് വരുന്നതിനിടെ നെഞ്ചുവേദനയുണ്ടായി. ഉടൻ തന്നെ ദമ്മാമിലെ ക്ലിനിക്കിലെത്തി. അവിടത്തെ ഡോക്ടറുടെ നിർദ്ദേശപ്രകാരം ആംബുലൻസിൽ ഗവൺമെൻറ് ആശുപത്രിയിലേക്ക് കൊണ്ട് പോകവെയാണ് മരണപ്പെട്ടത്. മൃതദേഹം നാട്ടിലെത്തിക്കാനുള്ള നടപടികൾ പുരോഗമിക്കുന്നു.
ബാഡ്മിൻറൺ കളിക്കാരനായ സജ്ഞയ് മേനോൻ ബറോൺ ബാഡ്മിൻറൺ ക്ലബ്ബ് അംഗമായിരുന്നു. ദമ്മാമിലും റിയാദിലുമായി നിരവധി പേർക്ക് വയലിൻ പരിശീലനം നൽകിയിരുന്നു. ഭാര്യ: സുജല, മക്കൾ : സേതുലക്ഷ്മി, മാധവൻ
Post Your Comments