റിയാദ് : സൗദി അറേബ്യയിലുണ്ടായ വാഹനാപകടത്തിൽ പ്രവാസി മലയാളി മരിച്ചു. ജിദ്ദയിൽ നിന്നും ചരക്കുകൾ എടുത്തു ഖുൻഫുദയിൽ കച്ചവടം നടത്തിവരികയായിരുന്ന കണ്ണൂർ തലശേരി ധർമടം മീത്തൽപ്പീടിക സ്വദേശി കരിപ്പാൽ മുഹമ്മദ് ഷജീർ (36) ആണ് മരിച്ചത്. ജിദ്ദയിൽ നിന്ന് 50 കിലോമീറ്ററകലെ ഖുൻഫുദ റോഡിൽ വാഹനം ട്രൈലറുമായി കൂട്ടിയിടിക്കുകയായിരുന്നു.
ഖുൻഫുദയിൽ നിന്നും സുഹൃത്ത് മലപ്പുറം എടവണ്ണ സ്വദേശി മുഹമ്മദ് ഷമീമിനോടൊപ്പം ജിദ്ദയിലേക്ക് വരവേ ആയിരുന്നു അപകടം. വാഹനമോടിച്ച മുഹമ്മദ് ഷമീമിന് നിസാര പരിക്കേറ്റു. മഹ്ജർ കിങ് അബ്ദുൽ അസീസ് ആശുപത്രിയിൽ സൂക്ഷിച്ചിരിക്കുന്ന മുഹമ്മദ് ഷജീറിന്റെ മൃതദേഹം നടപടിക്രമങ്ങൾക്കു ശേഷം ജിദ്ദയിൽ ഖബറടക്കുമെന്ന് സഹോദരൻ അറിയിച്ചു.
Post Your Comments