ന്യൂഡൽഹി•കോൺഗ്രസ് നേതാവും മുൻ എം‌എൽ‌എയുമായ രാം സിംഗ് നേതാജിയും മറ്റ് മൂന്ന് പേരും ആം ആദ്മി പാർട്ടിയിൽ ചേർന്നു. മുഖ്യമന്ത്രി അരവിന്ദ് കെജ്‌രിവാളിന്റെ സാന്നിധ്യത്തിലാണ് ഇവര്‍ പാര്‍ട്ടി അംഗത്വം സ്വീകരിച്ചത്.
മുതിർന്ന കോൺഗ്രസ് നേതാവ് മഹാബൽ മിശ്രയുടെ മകനും പാലം നിയമസഭാ സീറ്റിൽ നിന്ന് വിജയിച്ചയാളുമായ വിനായ് കുമാർ മിശ്രയും ആം ആദ്മി പാർട്ടിയിൽ ചേർന്നു
കൗൺസിലറും സാമൂഹ്യ പ്രവർത്തകനുമായ ബവാന നിയമസഭയിലെ രോഹിണി വാർഡിൽ നിന്നുള്ള ജയ് ഭഗവാൻ ഉപകർ ജി, ഗാന്ധിനഗർ പ്രദേശത്ത് പ്രവർത്തിക്കുന്ന സാമൂഹ്യ പ്രവർത്തകനായ നവീൻ ദീപു ചൗധരി എന്നിവരും കോൺഗ്രസുമായി ചേര്‍ന്ന് പ്രവര്‍ത്തിച്ചു വരികയായിരുന്നു.
ആം ആദ്മി സർക്കാർ നടത്തിയ പ്രവർത്തനങ്ങളിൽ തനിക്ക് മതിപ്പുണ്ടെന്നും അതുകൊണ്ടാണ് ഞാൻ കോൺഗ്രസ് വിടാൻ തീരുമാനിച്ചതെന്നും നേതാജി പറഞ്ഞു.
ബദർപൂർ നിയമസഭാ മണ്ഡലത്തിൽ നിന്ന് നേതാജി രണ്ടുതവണ വിജയിച്ചു – ഒരിക്കൽ ബിഎസ്പി സ്ഥാനാർത്ഥിയായും രണ്ടാം തവണ സ്വതന്ത്രനായും.
പാർട്ടിയുടെ നയങ്ങളും ആം ആദ്മി പാർട്ടി നേതൃത്വത്തിലുള്ള ഡല്‍ഹി സർക്കാരിന്റെ പ്രവർത്തനങ്ങളും സ്വാധീനിച്ച അവർ തങ്ങളുടെ കുടുംബത്തിൽ ചേരുകയാണെന്ന് കെജ്‌രിവാൾ പറഞ്ഞു.
70 അംഗ ഡല്‍ഹി നിയമസഭയിലേക്കുള്ള തിരഞ്ഞെടുപ്പ് ഫെബ്രുവരി എട്ടിന് നടക്കും.
Post Your Comments