തിരുവനന്തപുരം: ആലപ്പുഴയില്‍ നടന്ന കര്‍ഷക അവാര്‍ഡ്ദാന ചടങ്ങില്‍ വൈകിയെത്തിയ കൃഷി ഡയറക്ടര്‍ എ.ആര്‍. അജയകുമാറിന്റെ കസേര തെറിച്ചു. സംസ്ഥാന കാര്‍ഷിക വികസന കര്‍ഷക ക്ഷേമ വകുപ്പിന്‍റെ നേതൃത്വത്തില്‍ ആലപ്പുഴയില്‍ നടന്ന കര്‍ഷക അവാര്‍ഡ്ദാന ചടങ്ങിലാണ് സംഭവം. അവാര്‍ഡ് ദാന ചടങ്ങിനു നേതൃത്വം കൊടുക്കേണ്ട ഉദ്യോഗസ്ഥന്‍ വൈകിയെത്തിയതിലുള്ള കൃഷിമന്ത്രി വി.എസ്. സുനില്‍കുമാറിന്‍റെ അതൃപ്തിയാണ് ഇത്തരത്തിലൊരു നടപടിക്ക് കാരണം.
Read also: തൊഴിലുറപ്പ് പദ്ധതിയിൽ ക്വാളിറ്റി മോണിറ്റര്‍ നിയമനം : അഭിമുഖം
തലേ ദിവസം തന്നെ ആലപ്പുഴയിലെത്തി ഒരുക്കങ്ങള്‍ക്കു നേതൃത്വം നല്‍കേണ്ട ഉദ്യോഗസ്ഥന്‍, അവാര്‍ഡ്ദാന സമ്മേളനം ഉച്ചകഴിഞ്ഞു മൂന്നിന് ആരംഭിച്ച്‌ ഉദ്ഘാടകനായ മന്ത്രി ജി. സുധാകരന്‍ പ്രസംഗിച്ചു കൊണ്ടിരിക്കേയാണ് വേദിയിലെത്തിയത്. അതേസമയം കൃഷി വകുപ്പ് സ്പെഷല്‍ സെക്രട്ടറി ഡോ. രത്തന്‍ ഖേല്‍ക്കര്‍ക്കു കൃഷി ഡയറക്ടറുടെ അധിക ചുമതല നല്‍കാൻ മന്ത്രിസഭ തീരുമാനിച്ചു.
Post Your Comments