യാത്രക്കാരുടെ ശ്രദ്ധയ്ക്ക്; ഇന്ന് മുതല്‍ ട്രെയിന്‍ ഗതാഗതത്തില്‍ നിയന്ത്രണം

കൊച്ചി: എറണാകുളം – വള്ളത്തോള്‍ നഗര്‍ സെക്‌ഷനില്‍ നാളെ മുതല്‍ ട്രാക്ക് അറ്റകുറ്റപ്പണി ആരംഭിക്കുന്നതിനാൽ ട്രെയിന്‍ ഗതാഗതത്തില്‍ നിയന്ത്രണമുണ്ടാകുമെന്ന്അറിയിപ്പ്. ചില ട്രെയിനുകൾ ഭാഗികമായും ചിലത് പൂർണമായും റദ്ദാക്കി. കോയമ്പത്തൂര്‍-തൃശൂര്‍, തൃശൂര്‍-കണ്ണൂര്‍, എറണാകുളം-ഗുരുവായൂര്‍, ഗുരുവായൂര്‍-പുനലൂര്‍, പുനലൂര്‍-ഗുരുവായൂര്‍, ഗുരുവായൂര്‍-എറണാകുളം എന്നീ പാസഞ്ചര്‍ സര്‍വീസുകളാണ് ഭാ​ഗികമായി റദ്ദാക്കിയത്. എറണാകുളം – പുണെ ബൈവീക്ക്‌ലി എക്സ്പ്രസ് (22149) 10,17,24 തീയതികളില്‍ ഒന്നര മണിക്കൂറോളം ഇടപ്പളളിക്കും തൃശൂരിനുമിടയില്‍ പിടിച്ചിടും. തിരുവനന്തപുരം നിസാമുദ്ദീന്‍ എക്സ്പ്രസ് (22655 ) 11,18,25 തീയതികളില്‍ ഒന്നര മണിക്കൂറോളം എറണാകുളത്തിനും ഒല്ലൂരിനുമിടയില്‍ പിടിച്ചിടും. ചെന്നൈ ഗുരുവായൂര്‍ എക്സ്പ്രസ് (16127) 13 ദിവസം ചേര്‍ത്തലയ്ക്കു തൃശൂരിനുമിടയില്‍ ഒന്നര മുതല്‍ 2 മണിക്കൂര്‍ വരെ പിടിച്ചിടും. 10,11,14,15,16,17,18,21,22,23,24,25,28 തീയതികളിലാണ് ട്രെയിൻ പിടിച്ചിടുന്നത്.

Read also: അഹമ്മദാബാദ്-മുംബൈ ബുള്ളറ്റ് ട്രെയിന്‍ പദ്ധതിയില്‍നിന്ന് മഹാരാഷ്ട്ര പിന്മാറുമെന്ന് സൂചന നല്‍കി കോണ്‍ഗ്രസ്

56605 കോയമ്പത്തൂര്‍ തൃശൂര്‍ പാസഞ്ചര്‍ ഇന്നുമുതല്‍ ശനിയാഴ്ച (14-ാം തിയതി) വരെ ഷൊര്‍ണൂര്‍ വരെ മാത്രമേ ഉണ്ടായിരിക്കുകയൊള്ളു. 56603 തൃശൂര്‍ കണ്ണൂര്‍ പാസഞ്ചര്‍ നാളെ മുതല്‍ ഞായറാഴ്ച വരെ ഷൊര്‍ണൂരില്‍ നിന്നായിരിക്കും സര്‍വീസ് ആരംഭിക്കുക. 56376 എറണാകുളം ഗുരുവായൂര്‍ പാസഞ്ചര്‍ ഇന്നും 10, 13 തിയതികളിലും തൃശൂര്‍ വരെ മാത്രമേ സര്‍വീസ് നടത്തുകയുള്ളൂ.