മുംബൈ•കാണാതായ എം.എല്‍.എമാരില്‍ ഒരാളായ അനില്‍ പാട്ടീല്‍ ശരദ് പവാറിന്റെ നേതൃത്വത്തിൽ വിശ്വാസം പ്രകടിപ്പിച്ചതായി എൻ.സി.പി. അതേസമയം, ബി.ജെ.പി എംപി സഞ്ജയ് കകാഡെ, എൻ.സി.പി നേതാക്കളായ ജയന്ത് പാട്ടീൽ, ചഗൻ ഭുജ്ബാൽ, അജിത് പവാറുമായി അടുത്ത ബന്ധമുള്ള ബാബൻ ഷിൻഡെ എന്നിവര്‍ ശരദ് പവാറിന്റെ വസതിയിലെത്തി കൂടിക്കാഴ്ച നടത്തി. തീര്‍ത്തും വ്യക്തിപരമായ കൂടിക്കാഴ്ചയായിരുന്നുവെന്ന് 15 മിനിട്ടോളം നീണ്ട കൂടിക്കാഴ്ചയ്ക്ക് ശേഷം കകഡെ മാധ്യമങ്ങളോട് പറഞ്ഞു
അതിനിടെ, കോൺഗ്രസ് സംസ്ഥാന അധ്യക്ഷനും മുതിർന്ന പാർട്ടി നേതാവുമായ അശോക് ചവാനും ശരദ് പവാറിനെ കണ്ടു. കോൺഗ്രസ്, എൻസിപി, ശിവസേന സഖ്യത്തിന് അംഗസംഖ്യയുല്ലതിനാല്‍ സർക്കാർ രൂപീകരിക്കുമെന്ന് ചവാൻ മാധ്യമപ്രവർത്തകരോട് പറഞ്ഞു. കാണാതായ എല്ലാ എൻ.സി.പി എം.എൽ.എമാരും ഉടൻ പാർട്ടിയിലേക്ക് മടങ്ങും. കോൺഗ്രസ് എം‌എൽ‌എമാർ എല്ലാവരും ഒരുമിച്ചാണെന്നും അദ്ദേഹം പറഞ്ഞു.
Post Your Comments