ശ്രീനഗർ : ദേശീയപാതയ്ക്കരികില്‍ കുഴി ബോംബ് കണ്ടെത്തി. ജമ്മു കാഷ്മീരിലെ അനന്ത്നാഗിനു സമീപം ജമ്മു-ശ്രീനഗര്‍ ദേശീയ പാതയിൽ വ്യാഴാഴ്ച രാവിലെയാണ് സംഭവം. ദേശീയ പാതയില്‍ പട്രോളിംഗ് നടത്തിയ സുരക്ഷാ സേനയാണ് കുഴിബോംബ് കണ്ടെത്തിയത്. ഉടൻ തന്നെ ജമ്മു-ശ്രീനഗര്‍ ദേശീയ പാതയിലെ ഗതാഗതം നിര്‍ത്തിവച്ചു. ബോംബ് സ്‌ക്വാഡ് സ്ഥലത്തെത്തി കുഴിബോംബ് നിര്‍വീര്യമാക്കിയതായി അധികൃതര്‍ അറിയിച്ചു. കുഴിബോംബ് സ്ഥാപിച്ചവരെ കണ്ടെത്താനുള്ള തിരച്ചില്‍ ആരംഭിച്ചു. ദേശീയപാതയില്‍ പട്രോളിംഗ് ശക്തമാക്കി. കഴിഞ്ഞ ദിവസം ജമ്മു-പൂഞ്ച് ദേശീയപാതയിലും ഐഇഡി ബോംബ് കണ്ടെത്തിയിരുന്നു.
Also read : അയോധ്യാ തര്‍ക്കഭൂമി കേസില്‍ കൂടുതല്‍ സംഘടനകള്‍ പുന: പരിശോധനാ ഹര്‍ജി നല്‍കാന്‍ തീരുമാനം
Post Your Comments