സൂപ്പർസ്റ്റാർ രജനികാന്തിന്റെ സ്റ്റൈലും സൂപ്പർഹിറ്റ് സംവിധായകൻ എ ആർ മുരുഗദോസിന്റെ ബ്രില്ല്യയൻസും; ‘ദർബാർ’ അണിയറ ചിത്രങ്ങൾ പുറത്ത്

തമിഴകത്ത് എക്കാലത്തെയും മികച്ചൊരു ഹിറ്റ് സിനിമ കൂട്ടുകെട്ട് പിറക്കുകയാണ്, അത് മറ്റാരുമല്ല ഹിറ്റ് മേക്കർ എ ആർ മുരുഗദോസിനൊപ്പമുള്ള സാക്ഷാൽ കോളിവുഡിന്റെ തന്നെ സൂപ്പർസ്റ്റാറായ രജനികാന്തിന്റെ സാന്നിധ്യമാണ്.

ഇരുവരും ഒന്നിക്കുന്ന ‘ദര്‍ബാര്‍’ എന്ന പുതിയ ചിത്രത്തിനായി ആരാധക ഗണം കണ്ണിലെണ്ണയൊഴിച്ചാണ് കാത്തിരിക്കുന്നത്. നേരത്തെ പുറത്തിറങ്ങിയ ചിത്രത്തിലെ സ്റ്റില്ലുകളൊക്കെ സമൂഹമാധ്യമങ്ങളിൽ തരംഗമായിരുന്നു.

ഇപ്പോഴിതാ ചിത്രത്തിന്റെ ഡബ്ബിംഗ് ചിത്രീകരണങ്ങൾ അണിയറ പ്രവർത്തകർ പുറത്തുവിട്ടിരിക്കുകയാണ്.
സാധാരണ വേഷമായ വെളുത്ത കുർത്തയും പാന്റും ധരിച്ചു, സ്റുഡിയോക്കുള്ളിലിരുന്നു ഡബ്ബ് ചെയ്യുന്ന രജനികാന്തിന്റെ ചിത്രവും ഇവയ്‌ക്കൊപ്പമുണ്ട്.

The name is AADITYA ARUNASALAM ?? Candid yet stylish stills of #Thalaivar from #DarbarDubbing today ?
#DARBAR @rajinikanth @ARMurugadoss @anirudhofficial @santoshsivan @sreekar_prasad #DarbarPongal #DarbarThiruvizha pic.twitter.com/SQTwCC9xOv

— Lyca Productions (@LycaProductions) November 14, 2019

ദര്‍ബാറിന് ശേഷം രജനി നായകനാവുക മറ്റൊരു ഹിറ്റ് സംവിധായകൻ സിരുത്തൈ ശിവയുടെ ചിത്രത്തിലാണ്.
ശിവയുടെ സംവിധാനത്തില്‍ ഒരുങ്ങുന്ന രജനികാന്ത് ചിത്രം ഗ്രാമപശ്ചാത്തലത്തിലായിരിക്കുമെന്നാണ് റിപ്പോര്‍ട്ട്.

ദർബാറിൽ ആദിത്യ അരുണാസലം എന്ന കഥാപാത്രമായിട്ടാണ് രജനികാന്ത് എത്തുന്നത്. ആക്ഷൻ കാണിക്കുന്ന സ്റ്റൈലൻ പൊലീസാണ് ചിത്രത്തിലെ, അരുണാസലം. എ ആര്‍ മുരുഗദോസിന്റെ ഈ ചിത്രത്തില്‍ നിരവധി പഞ്ച് ഡയലോഗുകളും രജനിക്കായി ഒരുക്കിയിട്ടുണ്ടെന്നാണ് സൂചനകൾ. അടുത്തക്കാലത്തിറങ്ങിയ രജനി ചിത്രങ്ങളായ കബാലി, കാല, പെട്ട മുതലായവയിൽ രജനികാന്തിന്റെ ശബ്തലൂടെയുള്ള പഞ്ച് ഡയലോഗുകളായിരുന്നു അതാത് കാലങ്ങളിലെ ഹിറ്റുകൾ.

അടുത്തമാസം 7നാണ് ദർബാറിന്റെ ഓഡിയോ ലോഞ്ച് നടക്കുക. അതിനു മുന്നേ ചിത്രത്തിലെ ഒരു ഗാനം പുറത്തുവിട്ടേക്കുമെന്നും റിപ്പോര്‍ട്ടുകളുണ്ട്.