ഫാത്തിമയുടെ ആത്മഹത്യ: കേന്ദ്രം ഇടപെടുന്നു, ഉന്നത വിദ്യാഭ്യാസ സെക്രട്ടറി നാളെ ചെന്നൈയിലെത്തും

ന്യൂഡല്‍ഹി: മദ്രാസ് ഐഐടിയില്‍ മലയാളി വിദ്യാര്‍ത്ഥി ഫാത്തിമ ആത്മഹത്യ ചെയ്ത സംഭവത്തില്‍ കേന്ദ്രസര്‍ക്കാര്‍ ഇടപെടുന്നു. കേന്ദ്ര വിദേശകാര്യ സഹമന്ത്രി വി മുരളീധരനാണ് ഇത് ട്വിറ്ററിലൂടെ അറിയിച്ചത്.വിഷയത്തില്‍ തമിഴ്‌നാട് മുഖ്യമന്ത്രിയുമായി സംസാരിച്ചിരുന്നുവെന്നും കൂടാതെ ഇത് സംബന്ധിച്ച് കേന്ദ്ര മാനവ വിഭവശേഷി മന്ത്രി രമേഷ് പൊക്രിയാലുമായും കൂടികാഴ്ച നടത്തിയെന്നും അദ്ദേഹം പറഞ്ഞു.

‘മുട്ടുകുത്തി കയറിൽ തൂങ്ങി നിന്നു’; ഫാത്തിമ കേസിൽ നിർണായക തെളിവുമായി സുഹൃത്തുക്കളയച്ച വാട്സ് ആപ്പ് സന്ദേശങ്ങൾ

ഉന്നത വിദ്യാഭ്യാസ സെക്രട്ടറി ആര്‍ സുബ്രഹ്മണ്യം നാളെ ചെന്നെയിലെത്തും സംഭവത്തെ കുറിച്ച്‌ അന്വേഷിച്ച്‌ ഉടന്‍ കേന്ദ്രത്തിന് റിപ്പോര്‍ട്ട് നല്‍കാനാണ് ആവശ്യപ്പെട്ടിരിക്കുന്നത്. സംഭവത്തില്‍ സിബിഐ അന്വേഷണം ആവശ്യപ്പെട്ട് കേന്ദ്ര സഹമന്ത്രി രാംദാസ് അത്തേവാലയും രംഗത്തെത്തിയിരുന്നു. ഇക്കാര്യം എടപ്പാടി പളനിസ്വാമിയോട് ആവശ്യപ്പെടാമെന്നും അദ്ദേഹം പറഞ്ഞു.

 

Spoke to Hon’ble Chief Minister of Tamil Nadu @EPSTamilNadu @CMOTamilNadu regarding the unfortunate death of Ms. Fathima Latheef, an IIT-Madras student from Kerala. Sought a thorough investigation of the case to bring out the real culprits. @VMBJP

— V. Muraleedharan (@MOS_MEA) November 16, 2019