അഹമ്മദാബാദ്• എച്ച്.ഐ.വി പോസിറ്റീവ് ആയ 24 കാരിയായ യുവതി ഭര്‍തൃഗൃഹത്തില്‍ വച്ച് ജീവനൊടുക്കി. മകളെ മാനസികവും ശാരീരികവുമായ ഉപദ്രവത്തിന് വിധേയമാക്കിയെന്ന് ആരോപിച്ച് യുവതിയുടെ മാതാപിതാക്കള്‍ മകളുടെ എച്ച് ഐ വി പോസിറ്റീവ് ആയ ഭർത്താവിനും സഹോദരിക്കും എതിരെ പരാതി നൽകി.
എട്ട് വർഷം മുമ്പ് സിവിൽ ഹോസ്പിറ്റലിൽ മക്കളെ എച്ച്ഐവി ചികിത്സയ്ക്കായി കൊണ്ടുപോകുന്നതിനിടെയാണ് കുടുംബങ്ങൾ തമ്മില്‍ ബന്ധപ്പെട്ടതെന്ന് ഷഹെർകോട്ട പോലീസ് സ്റ്റേഷനിൽ സമർപ്പിച്ച എഫ്‌ഐആർ പറയുന്നു.
എച്ച്ഐവി ബാധിതരായതിനാൽ ഇരുവരും വിവാഹിതരാകാൻ തീരുമാനിച്ചു. ഏകദേശം നാല് വർഷം മുമ്പാണ് അവർ വിവാഹിതരായത്. വിവാഹത്തിന് ശേഷം യുവതി ഒരിക്കൽ ഗർഭം ധരിച്ച് ആചാരപ്രകാരം അവരുടെ വീട്ടിലെത്തിച്ചതായി പോലീസ് വൃത്തങ്ങൾ അറിയിച്ചു.
എന്നാല്‍ കുട്ടി ജനിച്ചയുടൻ മരിച്ചു. യുവതിയുടെ ഭര്‍ത്താവിന്റെ ബന്ധുക്കള്‍ അവളെ തിരികെ അവരുടെ വീട്ടിലേക്ക് കൊണ്ടുപോയ., മാതാപിതാക്കളുടെ വീട്ടിലേക്ക് മടങ്ങാനോ മാതാപിതാക്കളുമായി ഫോണിൽ സംസാരിക്കാനോ ഒരിക്കലും അനുവദിച്ചില്ല.
തന്റെ ഭർത്താവും സഹോദരിയും മാനസികവും ശാരീരികവുമായി നടത്തുന്ന പീഡനത്തെക്കുറിച്ച് മകൾ തന്നോട് പറഞ്ഞതായി യുവതിയുടെ പിതാവ് എഫ്‌ഐ‌ആറിൽ വ്യക്തമാക്കി.
ഒക്ടോബർ 30 നാണ് യുവതി തീ കൊളുത്തി മരിച്ചതായി മാതാപിതാക്കള്‍ക്ക് വിവരം ലഭിക്കുന്നത്.
Post Your Comments