വായുവില്‍ ഉയര്‍ന്നുപൊങ്ങി ഇടംകൈ കൊണ്ട് ഹര്‍മന്‍പ്രീതിന്റെ ക്യാച്ച്; അമ്പരന്ന് ക്രിക്കറ്റ് ലോകം

ആന്റിഗ്വ: വെസ്റ്റ് ഇന്‍ഡീസിനെതിരായ ആദ്യ ഏകദിനത്തില്‍ അവിശ്വസനീയ ക്യാച്ചുമായി ഇന്ത്യന്‍ വനിതാ ക്രിക്കറ്റ് ടീം താരം ഹര്‍മന്‍പ്രീത് കൗര്‍. ആന്റിഗ്വയില്‍ നടന്ന ആദ്യ ഏകദിനത്തില്‍ വീന്‍ഡീസ് ക്യാപ്റ്റന്‍ സ്റ്റെഫാനി ടെയ്ലറെ പുറത്താക്കാനെടുത്ത ക്യാച്ചാണ് ഇപ്പോള്‍ സോഷ്യല്‍ മീഡിയയിലടക്കം വൈറലായിരിക്കുന്നത്. 50ാം ഓവര്‍ എറിയാനെത്തിയ എക്താ ബിഷ്ടിന്റെ അവസാന പന്തിലായിരുന്നു ഹര്‍മന്‍പ്രീത് ആരെയും അമ്പരപ്പിക്കുന്ന വിധത്തില്‍ ക്യാച്ച് എടുത്തത്.

Convinced the best fielder in an India, No not Jadeja…
Harmanpreet Kaur !!
Wow!! Beautiful catch… unbelievable!! @Santosh64485541 pic.twitter.com/J81laejoK7

— Pawan Mehta ?? (@MehtaPawanK) November 2, 2019

ബിഷ്ടിന്റെ ഫുള്‍ടോസ് പന്ത് സ്റ്റെഫാനി ലോങ് ഓണിലൂടെ സിക്സടിക്കാന്‍ ശ്രമിച്ചപ്പോള്‍ ഹര്‍മന്‍പ്രീത് അതിമനോഹരമായി കയ്യില്‍ ഒതുക്കുകയായിരുന്നു. വായുവില്‍ ഉയര്‍ന്നുചാടിയ ഹര്‍മന്‍പ്രീത് ഇടംകൈകൊണ്ടാണ് ബോള്‍ പിടിച്ചെടുത്തത്.

ALSO READ: ഇന്ത്യന്‍ വനിത ക്രിക്കറ്റ് താരം മിതാലി രാജിന് അഭിമാന നേട്ടം

ഇതിന് മുന്‍പും ഹര്‍മന്‍ ക്രിക്കറ്റ് ലോകത്തെ അത്ഭുതപ്പെടുത്തിയിട്ടുണ്ട്. കഴിഞ്ഞ ഒക്ടോബറില്‍ ദക്ഷിണാഫ്രിക്കയ്ക്കെതിരായ അവസാന ടി20യ്ക്കായി മൈതാനത്തിറങ്ങിയതോടെ ഇന്ത്യയ്ക്കായി 100 ടി20 മത്സരങ്ങള്‍ കളിക്കുന്ന ആദ്യ താരമായി മാറിയിരുന്നു ഹര്‍മന്‍പ്രീത്. ഇതോടെ ഹര്‍മന്‍ പിന്നിലാക്കിയത് എംഎസ് ധോണിയേയും രോഹിത് ശര്‍മ്മയേയുമാണ്. രണ്ടു പേരും 98 ടി20 കളാണ് ഇതുവരെ കളിച്ചിട്ടുള്ളത്. ഇതിന് മുന്‍പ് ടി20യില്‍ 2000 റണ്‍സ് നേടുന്ന രണ്ടാമത്തെ ഇന്ത്യന്‍ വനിതാ താരവുമായി മാറിയിരുന്നു ഹര്‍മന്‍. ഈ നേട്ടം സ്വന്തമാക്കിയ മറ്റൊരാള്‍ ഇതിഹാസ താരം മിതാലി രാജാണ്.