പാലക്കാട്: നടന്‍ ബിനീഷ് ബാസ്റ്റിനെ അപമാനിച്ച സംഭവത്തില്‍ വിശദീകരണവുമായി ഗവ. മെഡിക്കല്‍ കോളജിലെ പ്രിന്‍സിപ്പല്‍. ബിനീഷ് ബാസ്റ്റിനെ ചടങ്ങിലേക്ക് ക്ഷണിച്ചത് അറിഞ്ഞിട്ടില്ലെന്നും ജാതീയ അധിക്ഷേപം നടത്തിയിട്ടില്ലെന്നും കൂടുതല്‍ പ്രശ്നങ്ങള്‍ ഉണ്ടാകാതിരിക്കാനാണ് പൊലീസിനെ വിളിക്കുമെന്ന് താന്‍ പറഞ്ഞതെന്നും പ്രിന്‍സിപ്പല്‍ ടി.ബി. ഗുലാസ്‌ വ്യക്തമാക്കി. ബിനീഷ് ബാസ്റ്റിന്‍ മുഖ്യാതിഥി ആണെന്നാണ് വാർത്തയിൽ കണ്ടത്. താന്‍ അറിയാതെ ഇങ്ങനെയൊരു മുഖ്യാതിഥി എവിടുന്ന് വന്നെന്നും പ്രിൻസിപ്പൽ ചോദിക്കുകയുണ്ടായി.
കഴിഞ്ഞ ദിവസമാണ് പാലക്കാട് ഗവ. മെഡിക്കല്‍ കോളജ് യൂണിയന്‍ സംഘടിപ്പിച്ച ചടങ്ങില്‍ പങ്കെടുക്കാനെത്തിയ ബിനീഷ് ബാസ്റ്റിനെ അധികൃതർ അപമാനിച്ചത്. ബിനീഷ് ബാസ്റ്റിനൊപ്പം വേദിയില്‍ ഇരിക്കില്ലെന്ന് ചടങ്ങിലെ മറ്റൊരു അതിഥിയായ സംവിധായകന്‍ അനില്‍ രാധാകൃഷ്ണ മേനോന്‍ പറഞ്ഞുവെന്നും അതിനാൽ ബിനീഷ് വൈകിയെത്തിയാൽ മതിയെന്നുമായിരുന്നു അധികൃതർ അറിയിച്ചത്. തുടര്‍ന്ന് ബിനീഷ് ബാസ്റ്റിന്‍ വേദിയില്‍ കുത്തിയിരുന്ന് പ്രതിഷേധിച്ചിരുന്നു.
Post Your Comments