കൊച്ചി: മലയാള സിനിമയിൽ ജാതി വിവേചനമില്ലെന്ന് യുവ നടൻ ടൊവിനോ തോമസ്. അഹംഭാവവും അപകർഷതാ ബോധവും ഒഴിവാക്കിയാൽ എല്ലാത്തിനും പരിഹാരമാകുമെന്നും നടൻ കൂട്ടിച്ചേർത്തു. പാലക്കാട് മെഡിക്കൽ കോളേജിലെ കോളേജ് ഡേക്ക് അതിഥിയായെത്തിയ നടൻ ബിനീഷ് ബാസ്റ്റിനൊപ്പം വേദി പങ്കിടാൻ കഴിയില്ലെന്ന് കോളേജ് മാസിക പ്രകാശനം ചെയ്യാനെത്തിയ സംവിധായകൻ അനിൽ രാധാകൃഷ്ണന്‍ മേനോൻ പറഞ്ഞതിൻ്റെ പശ്ചാത്തലത്തിലാണ് ടൊവിനോയുടെ അഭിപ്രായം.
ഷാർജ പുസ്തക മേളയിൽ നടന്ന ദ് യൂത്ത്സ്റ്റാർ എന്ന പരിപാടിയിൽ സംസാരിക്കവേ ആയിരുന്നു ടൊവിനോയുടെ അഭിപ്രായം.
“മലയാള സിനിമയിൽ വിവേചനമുണ്ടെന്ന പ്രചാരണം തെറ്റാണ്. വ്യക്തിപരമായ തോന്നലുകളിൽനിന്നും മനോഭാവങ്ങളിൽനിന്നും ഉടലെടുക്കുന്ന തെറ്റിദ്ധാരണയാണത്. പഴയ കാലമല്ല. അപകർഷതാ ബോധവും അഹംഭാവവും ഒഴിവാക്കിയാൽ ഇത്തരം തോന്നലുകൾ മാറും.”- ടൊവീനോ പറഞ്ഞു.
“കലാമൂല്യവും വിനോദമൂല്യവും ഉൾപ്പെടെയുള്ള ഘടകങ്ങൾ ഒരു സിനിമയുടെ വിജയത്തിന് ആവശ്യമാണ്. ഇതിൽ ഏതെങ്കിലും ഒന്നിൽ പിന്നാക്കം പോയാൽ സിനിമയ്ക്കു പൂർണവിജയം നേടാനാവില്ല.”- ടൊവീനോ പറഞ്ഞു. മലയാള സിനിമാ മേഖല വളരെ വേഗത്തിൽ മുന്നേറുകയാണെന്നും പുതുമുഖങ്ങൾക്ക് ഇനിയും അവസരങ്ങളുണ്ടെന്നും അദ്ദേഹം കൂട്ടിച്ചേർത്തു.
Post Your Comments