ഐഎസ്എല്ലില്‍ രണ്ടാം ജയം തേടി കേരളാ ബ്ലാസ്റ്റേഴ്‌സ് നാളെയിറങ്ങുന്നു. കൊച്ചിയില്‍ മുംബൈ സിറ്റിയുമായാണ് മത്സരം നടക്കുന്നത്. കഴിഞ്ഞ സീസണില്‍ മൂന്നാം സ്ഥാനത്ത് എത്തിയ മുംബൈയെ നാളെ മറികടക്കാമെന്ന പ്രതീക്ഷയിലാണ് ബ്ലാസ്റ്റേഴ്‌സ്. ഇരട്ടഗോള്‍ നേടിയ നായകൻ ഓഗ്‌ബെച്ചേ മിന്നും ഫോമിലാണെന്നതും ആരാധക പിന്തുണയുമാണ് ടീമിന്റെ ആത്മവിശ്വാസം.
ഉദ്ഘാടന മത്സരത്തില്‍ പകരക്കാരനായി മാത്രം ഇറങ്ങിയ മലയാളി താരം സഹല്‍ അബ്‌ദുള്‍ സമദ് നാളെ ആദ്യ ഇലവനില്‍ ഉണ്ടാകുമോ എന്നും ആരാധകർ ഉറ്റുനോക്കുന്നുണ്ട്. ഉദ്ഘാടന മത്സരത്തില്‍ കരുത്തരായ എടികെയെ ഒന്നിനെതിരെ രണ്ട് ഗോളുകള്‍ക്കായിരുന്നു ബ്ലാസ്റ്റേഴ്‌സ് തോൽപ്പിച്ചത്. ആദ്യ പകതിയിലായിരുന്നു മൂന്ന് ഗോളുകളും പിറന്നത്.
Post Your Comments