ന്യൂഡല്‍ഹി: കേന്ദ്ര സര്‍ക്കാരിന് ഉപദേശവുമായി കോണ്‍ഗ്രസ് നേതാവ് രാഹുല്‍ ഗാന്ധി. ഗ്രാമീണ ഇന്ത്യയിലെ ഉപഭോഗനിരക്ക് സെപ്റ്റംബര്‍ പാദത്തില്‍ ഏഴു വര്‍ഷത്തെ ഏറ്റവും കുറഞ്ഞ നിലയിലേക്കു താഴ്ന്നു എന്ന നീല്‍സണ്‍ റിപ്പോര്‍ട്ടിന്റെ പശ്ചാത്തലത്തിലാണ് രാഹുൽ ഗാന്ധി ഉപദേശവുമായി രംഗത്തെത്തിയത്. കോണ്‍ഗ്രസ് പ്രകടനപത്രികയില്‍ ഈ പ്രശ്നങ്ങള്‍ക്കു പരിഹാരമുണ്ടെന്നും വേണമെങ്കില്‍ ആശയങ്ങള്‍ മോഷ്ടിച്ചോളൂ എന്നും രാഹുൽ ഗാന്ധി വ്യക്തമാക്കി. ഇന്ത്യയിലെ ഗ്രാമങ്ങള്‍ അതീവ ദുരിതത്തിലാണ്. സര്‍ക്കാരിന് എന്തു ചെയ്യണമെന്നു യാതൊരു പിടിയുമില്ല. പ്രശ്നങ്ങള്‍ പരിഹരിക്കാനുള്ള വഴികള്‍ കോണ്‍ഗ്രസിന്‍റെ പ്രകടനപത്രികയിലുണ്ട്. പ്രധാനമന്ത്രിയും ധനമന്ത്രിയും വേണമെങ്കില്‍ ആശയങ്ങള്‍ മോഷ്ടിച്ചോളൂ എന്നായിരുന്നു ട്വിറ്ററിലൂടെ രാഹുൽ ഗാന്ധി അറിയിച്ചത്.
Rural India is in severe distress. The economy has sunk and the #GovtIsClueless
about what to do.PM & FM should steal ideas from https://t.co/0pi7C8Ig8p , where we had anticipated & set down detailed plans to tackle the mess. https://t.co/zjYWS8P6bU
— Rahul Gandhi (@RahulGandhi) October 18, 2019
Post Your Comments