മരട് ഫ്ളാറ്റുകളിലെ ലിഫ്റ്റ് നിലച്ചു, കു​ടി​വെ​ള്ള വി​ത​ര​ണവും നി​ര്‍​ത്തി

കൊ​ച്ചി: തീ​രദേശ പരിപാലന ​നി​യ​മ ലം​ഘ​ന​ത്തി​ന്‍റെ പേ​രി​ല്‍ പൊ​ളി​ച്ചു​നീ​ക്കാ​ന്‍ സു​പ്രീം​കോ​ട​തി ഉ​ത്ത​ര​വി​ട്ട മ​ര​ടി​ലെ ഫ്ളാ​റ്റു​ക​ളി​ലെ കു​ടി​വെ​ള്ള വി​ത​ര​ണം നി​ര്‍​ത്തി. മൂ​ന്ന് ഫ്ളാ​റ്റു​ക​ളി​ലെ കു​ടി​വെ​ള്ള വി​ത​ര​ണ​മാ​ണ് നി​ര്‍​ത്തി​യ​ത്. വൈദ്യുതി ബന്ധം വിച്ഛേദിച്ചതിനാൽ ലിഫ്റ്റും നിലച്ചിരിക്കുകയാണ്. കനത്ത പൊലീസ് കാവലിൽ ഇന്നു പുലർച്ചെ മൂന്നു മണിക്കാണ് കെഎസ്ഇബി ഉദ്യോഗസ്ഥരെത്തി വൈദ്യുതി ബന്ധം വിച്ഛേദിച്ചത്. സ്ഥ​ല​ത്ത് വ​ന്‍ പോ​ലീ​സ് സ​ന്നാ​ഹ​വും നി​ല​യു​റ​പ്പി​ച്ചി​ട്ടു​ണ്ട്.

അറ്റകൈ പ്രയോഗിച്ചു പാകിസ്ഥാനും ജെയ്‌ഷെ മുഹമ്മദ് ഭീകരരും, പദ്ധതി ഇങ്ങനെ, അതീവ ജാഗ്രതാ നിർദേശവുമായി ഇന്റലിജൻസ് റിപ്പോർട്ട്

ജ​ല​വി​ത​ര​ണം വി​ച്ഛേ​ദി​ക്കാ​ന്‍ വാ​ട്ട​ര്‍ അ​ഥോ​റി​റ്റി​ക്കു മ​ര​ട് ന​ഗ​ര​സ​ഭ നേ​ര​ത്തെ ക​ത്തു ന​ല്‍​കി​യി​രു​ന്നു. കടുത്ത മനുഷ്യാവകാശ ലംഘനമാണെന്നാണ് ഉടമകൾ പ്രതികരിക്കുന്നത്. മരടിലെ ഫ്ലാറ്റുകൾ പൊളിച്ചുനീക്കാനുള്ള സമയക്രമം സർക്കാർ തീരുമാനിച്ചു. ഇനിയും ചെറിയ മാറ്റങ്ങൾക്കു സാധ്യതയുണ്ട്. ഈ മാസം 29 മുതൽ ഒക്ടോബർ 3 വരെ താമസക്കാരെ ഒഴിപ്പിക്കും (സമീപത്തെ താമസക്കാരെയും സുരക്ഷാകാരണങ്ങളാൽ ഒഴിപ്പിക്കും).11ന് പൊളിച്ചുതുടങ്ങും. മൂന്നു മാസം കൊണ്ടു നടപടികൾ പൂർത്തിയാക്കാനാണ് തീരുമാനം.