ചൊ​വ്വ​യി​ലേ​ക്ക് പോ​കാ​നായി ഇ​ന്ത്യ​ക്കാ​രു​ടെ ത​ള്ളി​ക്ക​യ​റ്റം, നിങ്ങൾക്കും പങ്കെടുക്കാം : സംഭവമിങ്ങനെ

ചൊ​വ്വ​യി​ലേ​ക്ക് പോ​കാ​നായി ത​ള്ളി​ക്ക​യറി ഇന്ത്യക്കാർ. എന്നാൽ നിങ്ങൾ വിചാരിക്കുമ്പോൾ ആളുകളല്ല, പകരം  ഇന്ത്യയിൽ നിന്നുള്ളവരുടെ പേ​രു​ക​ളാ​ണ് ചൊ​വ്വ​യി​ലേ​ക്ക് പോ​കുക. അമേരിക്കയുടെ ബഹിരാകാശ സ്ഥാപനമായ നാസയാണ് പദ്ധതിയുമായി രംഗത്തെത്തിയിരിക്കുന്നത്. നാ​സ​യു​ടെ ചൊ​വ്വാ ദൗ​ത്യ​ത്തി​ന് ജ​ന​കീ​യ മു​ഖം ന​ൽ​കാ​നാ​ണ് ഇതിലൂടെ ലക്ഷ്യമിടുന്നത്. ഇതിനായി നാ​സ ന​ൽ​കി​യി​രി​ക്കു​ന്ന ലി​ങ്കി​ൽ ക​യ​റി പേ​ര് റ​ജി​സ്റ്റ​ർ ചെയ്യാവുന്നതാണ്. 2020 ലെ ദൗ​ത്യ​ത്തിൽ നിങ്ങളുടെ പേര് ചൊവ്വയിൽ എത്തിക്കും. ഒ​രു മൈ​ക്രോ​ചി​പ്പി​ൽ ര​ജി​സ്റ്റ​ർ ചെ​യ്ത മു​ഴു​വ​ൻ ആ​ളു​ക​ളു​ടെ​യും പേ​ര് ചൊ​വ്വ​യി​ൽ എ​ത്തി​ക്കു​മെ​ന്നു നാസ അറിയിച്ചിട്ടുണ്ട്.

https://mars.nasa.gov/participate/send-your-name/mars2020 എന്ന വെബ്‌സൈറ്റിൽ ക​യ​റി പേ​ര് ര​ജി​സ്റ്റർ ചെയ്യാവുന്നതാണ്. ശേഷം നിങ്ങൾക്ക് ഒ​രു ബോ​ഡിം​ഗ് പാ​സ് ല​ഭി​ക്കുന്നതാണ്. ഫ്രീ​ക്വ​ൻ​റ് ഫ്ലെ​യ​ർ എ​ന്ന കാ​റ്റ​ഗ​റി​യി​ൽ നി​ങ്ങ​ൾ​ക്ക് ദൗ​ത്യ​ത്തെ കുറിച്ചുള്ള കൂടുതൽ വിവരങ്ങളും അറിയാൻ സാധിക്കുന്നു. സെ​പ്റ്റം​ബ​ർ 30വ​രെ പേ​ര് ചേ​ർ​ക്കാ​നു​ള്ള അ​വ​സ​ര​മു​​ണ്ട്.

Also read : വിക്രം ലാന്‍ഡറിനെ കുറിച്ചുള്ള കൂടുതല്‍ വിവരങ്ങളറിയാന്‍ നാസയും

ഈ ​ദൗ​ത്യ​ത്തിനായി ഇതുവരെ 91 ല​ക്ഷം പേ​രോ​ളം പേ​ര് ചേ​ർ​ത്തുക​ഴി​ഞ്ഞു. തു​ർ​ക്കി ക​ഴി​ഞ്ഞാ​ൽ ഇ​ന്ത്യ​ക്കാ​രാ​ണ് ഏ​റ്റ​വും കൂ​ടു​ത​ൽ പാ​സ് എ​ടു​ത്തി​രി​ക്കു​ന്ന​ത്. വെ​ള്ളി​യാ​ഴ്ച​വ​രെയുള്ള കണക്ക് പ്രകാരം 12,50,647 പേ​രാ​ണ് ഇ​ന്ത്യ​യി​ൽ നി​ന്ന് ര​ജി​സ്റ്റ​ർ ചെ​യ്തി​രി​ക്കു​ന്ന​ത്. 25,18,435 പേ​രാ​ണ് തു​ർ​ക്കി​യി​ൽ നിന്നും ര​ജി​സ്റ്റ​ർ ചെയ്തവരുടെ എണ്ണം. 2020 ജൂ​ലൈ​യി​ലാ​ണ് നാ​സ​യു​ടെ അ​ടു​ത്ത ചൊ​വ്വാ ദൗ​ത്യം. ഫെ​ബ്രു​വ​രി 2021ൽ ​ഇ​ത് ചൊ​വ്വ​യി​ൽ എ​ത്തും.