കോഴിക്കോട്: സംസ്ഥാനത്തെ വിവിധ ട്രസ്റ്റുകള്‍ക്ക് കര്‍ശന താക്കീതുമായി കെ.മുരളീധരന് എം.പി. കണ്ണൂരില്‍ കരാറുകാരന്‍ മരണപ്പെട്ട സംഭവത്തില്‍ സര്‍ക്കാര്‍ ഉചിതമായ അന്വേഷണം നടത്തണമെന്ന് കെ.മുരളീധരന് എംപി. ട്രസ്റ്റ് രൂപീകരണത്തില്‍ നിയന്ത്രണം വേണമെന്നും ലീഡര്‍ കെ.കരുണാകരന്റെ പേര് ഇത്തരം ട്രസ്റ്റുകള്‍ക്ക് വേണ്ടി ദുരുപയോഗം ചെയ്യാന്‍ പാടില്ലെന്നും മുരളീധരന് കോഴിക്കോട്ട് മാധ്യമങ്ങളോട് പറഞ്ഞു.
കണ്ണൂരില്‍ കരാറുകാരന്‍ ആത്മഹത്യ ചെയ്ത സംഭവത്തിലെ ട്രസ്റ്റ് നടത്തിപ്പില്‍ ലീഡര്‍ കരുണാകരന്റെ കുടുംബത്തിന് യാതൊരു പങ്കുമില്ല. വിഷയത്തില്‍ സര്‍ക്കാര്‍ ഉചിതമായ അന്വേഷണം നടത്തണം. ഏതു അന്വേഷണം സര്‍ക്കാര്‍ നടത്തിയാലും സ്വാഗതം ചെയ്യും. കരാറുകാരന്റെ കുടുംബത്തിന് കൂടി സ്വീകാര്യമായ അന്വേഷണമാണ് നടത്തേണ്ടതെന്നും എംപി പറഞ്ഞു.
കരുണാകരന്റെ പേരില്‍ ഇത്തരം ചീത്തപ്പേരുകള്‍ ഇനി ഉണ്ടാവരുത്. അതുകൊണ്ട് തന്നെ ട്രസ്റ്റുകള്‍ രൂപീകരിക്കുന്നതില്‍ നിയന്ത്രണം വേണമെന്നും അദ്ദേഹം പറഞ്ഞു.
Post Your Comments