കൊൽക്കത്ത: നിയമസഭാ തെരഞ്ഞെടുപ്പില്‍ ഇടത്-കോണ്‍ഗ്രസ് സഖ്യമുണ്ടാക്കാന്‍ സോണിയാ ഗാന്ധിയുടെ അനുമതി. ബംഗാള്‍ കോണ്‍ഗ്രസ് അധ്യക്ഷന്‍ സോമേന്ദ്ര നാഥ് മിത്രയാണ് ഇക്കാര്യം അറിയിച്ചത്. ഇടത് പാര്‍ട്ടികള്‍ തയാറാണെങ്കില്‍ അവരുമായി സഖ്യമുണ്ടാക്കാന്‍ തയാറാണ്. സോണിയ ഇതിന് അനുമതി നല്‍കിയിട്ടുണ്ടെന്നും വെള്ളിയാഴ്ച നടന്ന യോഗത്തില്‍ ബംഗാളിലെ പാര്‍ട്ടിയെ ശക്തിപ്പെടുത്തുന്നത് സംബന്ധിച്ച്‌ ചര്‍ച്ചയായെന്നും സോമേന്ദ്ര നാഥ് മിത്ര വ്യക്തമാക്കി.
ബംഗാളില്‍ ബിജെപിക്കെതിരെ ഒന്നിച്ചു മത്സരിക്കണമെന്ന് ബംഗാള്‍ മുഖ്യമന്ത്രി മമതാ ബാനര്‍ജി ആവശ്യപ്പെട്ടിരുന്നു. ഇതിന് പിന്നാലെയാണ് സഖ്യമുണ്ടാക്കാൻ തീരുമാനിച്ചിരിക്കുന്നത്. ബിജെപി ഇന്ത്യയുടെ ഭരണഘടന മാറ്റുമെന്ന് തനിക്ക് ആശങ്കയുണ്ടെന്നും ബിജെപിയെ നേരിടാൻ എല്ലാവരും കൈകോര്‍ക്കുമെന്നാണ് താന്‍ കരുതുന്നതെന്നും മമത പറഞ്ഞിരുന്നു.
Post Your Comments