സംസ്ഥാന ശുചിത്വമിഷനിൽ  ഡയറക്ടർ ഡെപ്യൂട്ടേഷൻ നിയമനം

സംസ്ഥാന ശുചിത്വമിഷനിൽ ഡയറക്ടർ (ഖരമാലിന്യ പരിപാലനം), ഡയറക്ടർ (ദ്രവമാലിന്യ പരിപാലനം) തസ്തികകളിലെ ഓരോ ഒഴിവുകളിലേക്ക് അന്യത്രസേവന വ്യവസ്ഥയിൽ നിയമനത്തിന് അപേക്ഷകൾ ക്ഷണിച്ചു. തദ്ദേശ സ്വയംഭരണ വകുപ്പ്, കേരള വാട്ടർ അതോറിറ്റി, ഇതര സർക്കാർ വകുപ്പുകൾ മുതലായവയിലെ അസിസ്റ്റന്റ് എൻജിനിയർ / അതിനുമുകളിലുളള തസ്തികകളിൽ സേവനമനുഷ്ഠിക്കുന്നവരും ഐ.ഐ.റ്റി/എൻ.ഐ.റ്റി/സി.ഇ.റ്റി എന്നീ സ്ഥാപനങ്ങളിൽ നിന്നും എൻവയോൺമെന്റൽ എൻജിനിയറിംഗ്/വാട്ടർ ആന്റ് സാനിറ്റേഷൻ എൻജിനിയറിംഗ് എന്നിവയിൽ എം.ടെക്ക് ബിരുദവും ഏറ്റവും കുറഞ്ഞത് അഞ്ച് വർഷത്തെ സർക്കാർ സർവീസുളളവരും ആയിരിക്കണം. കെ.എസ്.ആർ പാർട്ട് 1 റൂൾ 144 പ്രകാരമുളള അപേക്ഷയും നിലവിലെ വകുപ്പു മേധാവിയുടെ നിരാക്ഷേപപത്രവും സഹിതം സെപ്റ്റംബർ അഞ്ചിനകം എക്‌സിക്യൂട്ടീവ് ഡയറക്ടർ, സംസ്ഥാന ശുചിത്വമിഷൻ, സ്വരാജ് ഭവൻ, നന്തൻകോട്, കവടിയാർ.പി.ഒ, തിരുവനന്തപുരം-695003 എന്ന വിലാസത്തിൽ നേരിട്ടോ, തപാലിലോ അപേക്ഷ നൽകണം.

Also read : കെൽട്രോണിൽ തൊഴിലധിഷ്ഠിത കോഴ്‌സുകൾ : ഉടന്‍ അപേക്ഷിക്കാം