ചെന്നൈ: സിനിമയെ വെല്ലും രംഗങ്ങളാണ് തിരുനെല്‍വേലി കടയം കല്യാണിപുരത്ത് കഴിഞ്ഞ ദിവസം രാത്രി നടന്നത്. മാരകായുധങ്ങളുമായി വീട്ടില്‍ കവര്‍ച്ചയ്ക്ക് എത്തിയ മോഷ്ടാക്കളെ വൃദ്ധ ദമ്പതികള്‍ അടിച്ചോടിക്കുന്ന ആക്ഷന്‍ രംഗങ്ങള്‍ സോഷ്യല്‍മീഡിയയില്‍ വൈറലായി. ഷണ്‍മുഖവേല്‍ (70), ഭാര്യ ചെന്താമര (65) എന്നിവരാണു പ്രായത്തെ തോല്‍പ്പിക്കുന്ന വീര്യം കാണിച്ചത്.
വീടിനു പുറത്തെ വരാന്തയില്‍ വിശ്രമിക്കുകയായിരുന്നു ഷണ്‍മുഖവേലിനെ കള്ളന്മാര്‍ ആക്രമിക്കുകയായിരുന്നു. മോഷ്ടാക്കളില്‍ ഒരാള്‍ അദ്ദേഹത്തിന്റെ കഴുത്തില്‍ ഷാള്‍ മുറുക്കി. ഭര്‍ത്താവിന്റെ ഉച്ചത്തിലുള്ള നിലവിളി കേട്ട ചെന്താമര വീടിനു പുറത്ത് എത്തിയതോടെയാണ് സംഭവം കള്ളന്മാരുടെ കൈയില്‍ നിന്നും മാറിയത്. വരാന്തയില്‍ നിരത്തിയിരുന്ന കസേരയും, ചെരുപ്പും, പാത്രങ്ങളും ചെന്താമര മോഷ്ടാക്കള്‍ക്ക് നേരെ എറിഞ്ഞു. അപ്രതീക്ഷിത പ്രത്യാക്രമണത്തില്‍ മോഷ്ടാക്കള്‍ പതറി. ഷണ്‍മുഖവേലിന്റെ കഴുത്തില്‍ മുറുകിയ ഷാളിലെ പിടി അയഞ്ഞു. ഷണ്‍മുഖവേലും പിന്നീട് ആക്രമണം തുടങ്ങി.
READ ALSO: അനസിന്റെ കാന്‍സര്‍ ബാധിതനായ കുഞ്ഞിന്റെ ചികിത്സയ്ക്ക് ആരോഗ്യമന്ത്രി കെ.കെ.ശൈലജയുടെ സഹായം
വടിവാള്‍ ഓങ്ങി നിന്ന മോഷ്ടാക്കളെ ഇരുവരും ശക്തമായി നേരിട്ടു. ചെന്താമരയ്ക്ക് വാള്‍ കൊണ്ടു മുറിവേറ്റു. കഴുത്തിലെ 4 പവന്‍ മാലയും മോഷ്ടാക്കള്‍ കൈക്കലാക്കി. ഇതോടെ ദമ്പതികളുടെ പ്രത്യാക്രമണത്തിനു മൂര്‍ച്ച കൂടി. കസേര കൊണ്ടു തലങ്ങും വിലങ്ങും അടിയേറ്റതോടെ മോഷ്ടാക്കള്‍ ഓടി രക്ഷപ്പെട്ടു. കല്യാണിപുരം പോലീസ് കേസെടുത്ത് അന്വേഷണം ആരംഭിച്ചു. മുഖം മറച്ചിരുന്നതിനാല്‍ മോഷ്ടാക്കളെ തിരിച്ചറിയാല്‍ സാധിച്ചിട്ടില്ല. വീട്ടിലെ സിസിടിവിയില്‍ പതിഞ്ഞ ദൃശ്യങ്ങളാണ് സോഷ്യല്‍മീഡിയയിവല്‍ പ്രചരിക്കുന്നത്.
READ ALSO: മിനിമം ബാലന്‍സ്; ബാങ്കുകള്‍ പിഴയിനത്തില്‍ ഈടാക്കിയത് കോടികള്‍
https://youtu.be/zRvZhLi7Q4U
Post Your Comments