കണ്ണൂര്‍: എല്ലാ നദികളും കരകവിഞ്ഞ കണ്ണൂരില്‍ 71 ക്യാമ്പുകളുണ്ടെന്നും വിവിധ ക്യാമ്പുകളിലായി 8000 ത്തോളും ആളുകളുണ്ടെന്നും വ്യക്തമാക്കി മന്ത്രി ഇ പി ജയരാജന്‍. മാറിത്താമസിക്കാന്‍ വൈമുഖ്യം കാണിക്കുന്നത് അപകടമുണ്ടാക്കും. ചില സ്ഥലങ്ങളിൽ മൈക്ക് വച്ച് വിളിച്ച് പറഞ്ഞിട്ടും ആളുകൾ വീടുകളില്‍ നിന്ന് മാറാൻ ആളുകൾ തയ്യാറാകുന്നില്ല. വീടിനോടുള്ള വൈകാരിക ബന്ധം കാരണം പലരും മാറാന്‍ മടിക്കുകയാണെന്നും ഈ സ്ഥിതി മാറണമെന്നും അദ്ദേഹം പറയുകയുണ്ടായി.
മഴക്കെടുതിയില്‍ കണ്ണൂരില്‍ മൂന്നുപേര്‍ മരിക്കുകയും ഒരാളെ കാണാതാകുകയും ചെയ്‌തിട്ടുണ്ട്‌. കണ്ണൂരിൽ ശ്രീകണ്ഠാപുരം അടക്കം പുഴയോട് ചേർന്ന നഗരങ്ങൾ വെള്ളത്താൽ ചുറ്റപ്പെട്ടു കിടക്കുകയാണെന്നും മന്ത്രി വ്യക്തമാക്കി.
Post Your Comments