മുംബൈ: വിദേശ പര്യടനങ്ങൾക്കു പുറപ്പെടും മുൻപ് പതിവുള്ള വാർത്താ സമ്മേളനം വിൻഡീസ് പര്യടനത്തിന്റെ കാര്യത്തിൽ വിരാട് കോഹ്ലി ഒഴിവാക്കിയേക്കുമെന്ന് സൂചന. ഒരു മാസം നീളുന്ന പര്യടനത്തിനായി തിങ്കളാഴ്ചയാണ് ഇന്ത്യൻ ടീം പുറപ്പെടുന്നത്. വെസ്റ്റിൻഡീസിനെതിരെ മൂന്നു ട്വന്റി20കളും മൂന്ന് ഏകദിനങ്ങളും രണ്ട് ടെസ്റ്റ് മൽസരങ്ങളുമാണ് ഇന്ത്യ കളിക്കുന്നത്. ആദ്യ രണ്ട് ട്വന്റി20 മൽസരങ്ങളും യുഎസിലാണ് നടക്കുന്നത്.
യുഎസിലേക്കു പോകും മുൻപ് തിങ്കളാഴ്ച രാവിലെ കോഹ്ലി ഒരു പ്രമോഷണൽ ചടങ്ങിൽ പങ്കെടുക്കുന്നുണ്ടെങ്കിലും അവിടെ മാധ്യമങ്ങളോട് സംസാരിക്കില്ലെന്നാണ് സൂചന. ഇന്ത്യൻ ടീം വെസ്റ്റിൻഡീസിലേക്കു പോകുന്നതിന് മുന്നോടിയായി, പതിവുള്ള ക്യാപ്റ്റന്റെ വാർത്താസമ്മേളനം ഉണ്ടാകാനിടയില്ല. ടീം യുഎസിലേക്കു പോകുന്നതിനു മുൻപ് വാർത്താ സമ്മേളനം നടത്താനുള്ള സാഹചര്യം നിലവിലില്ലെന്നും ബിസിസിഐ വൃത്തങ്ങൾ വ്യക്തമാക്കുന്നു.
Post Your Comments