തൃശൂര്‍: എന്‍ജിനീയറിങ് വിദ്യാര്‍ത്ഥിയെ കാണാതായിട്ട് ഒരാഴ്ച പിന്നിടുന്നു. പോലീസ് അന്വേഷണം എങ്ങുമെത്തിയില്ല. സംഭവത്തിൽ ദുരൂഹതയെന്ന് ബന്ധുക്കൾ ആരോപിച്ചു.കൊല്ലം ജില്ലയിലെ പത്തനാപുരം കടയ്ക്കാമണ്‍ സ്വദേശി പാണുവേലില്‍ സാബു ജോസഫിന്റെ മകന്‍ സെറില്‍ സാബു(22)വിനെയാണ് കഴിഞ്ഞ 19 മുതല്‍ കാണാതായത്.
തൃശൂര്‍ പാമ്പാടി നെഹ്‌റു കോളജിലെ മൂന്നാം വര്‍ഷ മെക്കട്രോണിക്‌സ് വിദ്യാര്‍ഥിയായ സെറിലിനെ തൃശൂരില്‍ വെച്ചാണ് കാണാതായത്. കോളേജിൽ നിന്ന് വീട്ടിലേക്ക് പോകുന്നവഴിയാണ് കാണാതായത്. ഷൊര്‍ണൂരില്‍ നിന്നു കായംകുളത്തേക്ക് ട്രെയിന്‍ കയറി സെറിലിനെ പിന്നീട് ആരും കണ്ടിട്ടില്ല.
ട്രെയിന്‍ കയറുന്നതിനുമുമ്പും പിന്നീട് തൃശൂരിലെത്തിയപ്പോഴും വീട്ടിലേക്കു വിളിച്ച്‌ രാത്രി പത്തിന് എത്തുമെന്നു പറഞ്ഞിരുന്നു. എന്നാല്‍ രാത്രി പത്തായിട്ടും വീട്ടിലെത്താത്തതിനെതുടര്‍ന്ന് ഫോണ്‍ വിളിച്ചപ്പോള്‍ സ്വിച്ചോഫ് ആയിരുന്നു. അതിന് ശേഷം സെറിലിനെക്കുറിച്ച്‌ വിവരമൊന്നുമില്ലെന്നാണ് വീട്ടുകാര്‍ പറയുന്നത്.പരാതി ലഭിച്ചതിനെതുടര്‍ന്ന് തൃശൂരിലെ റെയില്‍വേ പോലീസും കേരള പോലീസും വ്യാപകമായ അന്വേഷണം നടത്തിയെങ്കിലും കണ്ടെത്താനായില്ല.
Post Your Comments