തൊഴിലുകള്‍ വെട്ടിക്കുറയ്ക്കാനൊരുങ്ങി ഈ കാർ നിർമാണ കമ്പനി

തൊഴിലുകള്‍ വെട്ടിക്കുറയ്ക്കാനൊരുങ്ങി ജപ്പാൻ കാര്‍ നിര്‍മാണ കമ്പനിയായ നിസ്സാൻ. അമേരിക്കന്‍ വിപണിയില്‍ നേരിടുന്ന പ്രതിസന്ധികളും ലാഭവിഹിതത്തിലുണ്ടായ ഇടിവും കാരണം ആഗോള തലത്തില്‍ 12,500 തൊഴിലുകള്‍ വെട്ടിക്കുറയ്ക്കും. ഇക്കഴിഞ്ഞ മേയ് മാസം 4,800 ജീവനക്കാരെ ഒഴിവാക്കുമെന്നായിരുന്നു കമ്പനി അറിയിച്ചിരുന്നതെങ്കിൽ ഈ പ്രഖ്യാപനവും ചേര്‍ത്ത് 2020 മാര്‍ച്ച് അവസാനത്തോടെ 12,500 തൊഴിലുകള്‍ കുറയ്ക്കുവാനാണ് കമ്പനി ലക്ഷ്യമിടുന്നത്.

സാമ്പത്തിക വര്‍ഷത്തിലെ ആദ്യ പാദത്തിൽ ലാഭവിഹിതത്തില്‍ 98.5 ശതമാനത്തിന്‍റെ ഇടിവാണ് നിസ്സാന് നേരിടേണ്ടി വന്നത്. ഉത്തര അമേരിക്കന്‍ വിപണിയില്‍ നേരിടുന്ന പ്രതിസന്ധികളാണ് കമ്പനിയെ പ്രതിരോധത്തിലാക്കുന്നത്.