വിംബിള്‍ഡണ്‍ : ഫൈനലിൽ പ്രവേശിച്ച് നോവാക് ജോക്കോവിച്ച്

ലണ്ടന്‍: വിംബിള്‍ഡണ്‍ ടെന്നീസ് ടൂര്‍ണമെന്റ് പുരുഷ വിഭാഗം ഫൈനലിൽ പ്രവേശിച്ച് നോവാക് ജോക്കോവിച്ച്. ഒന്നിനെതിരെ മൂന്ന് സെറ്റുകള്‍ക്ക് സ്പാനിഷ് താരം ബൗട്ടിസ്റ്റ അഗട്ടിനെ തകർത്താണ് ജോക്കോവിന്റെ ഫൈനൽ പ്രവേശനം. റാഫേല്‍ നദാല്‍- റോജര്‍ ഫെഡറര്‍ സൂപ്പർ പോരാട്ടത്തിലെ വിജയി ആയിരിക്കും കലാശപോരാട്ടത്തിൽ ജോക്കോവിച്ചിന്റെ എതിരാളി. സ്‌കോര്‍ 6-2, 4-6, 6-3, 6-2.

വിംബിള്‍ഡണ്‍ കിരീടം നാല് തവണ നോവാക് നേടിയിട്ടുണ്ട്. കരിയറിലെ 16ാം ഗ്രാന്‍ഡ്സ്ലാം കിരീടമാണ് ജോക്കോവിച്ച് ലക്ഷ്യമിടുന്നത്. ഈ സീസണില്‍ ഓസ്‌ട്രേലിയന്‍ ഓപ്പണും ജോക്കോവിച്ച് സ്വന്തമാക്കിയിരുന്നു.