തിരുവനന്തപുരം : എൻജിനിയറിങ് വിദ്യാർത്ഥിയെ കാണാതെയിട്ട് അഞ്ചുദിവസം പിന്നിട്ടു. ഇതുവരെ വിവരങ്ങളൊന്നും ലഭിച്ചില്ലെന്ന് റിപ്പോർട്ട്.കേസ് അന്വേഷണത്തിനായി കഴക്കൂട്ടം എ.എസ്.പി ആർ അനിൽകുമാറിന്റെ നേതൃത്വത്തിൽ സിഐ പ്രവീൺ അടങ്ങുന്ന പ്രത്യേക സംഘത്തെ ചുമതലപ്പെടുത്തി.
കോഴിക്കോട് വടകര സ്വദേശി ശ്യാൻ പത്മനാഭനെ(26)യാണ് കാണാതായത്. എം-ടെക് രണ്ടാം വര്‍ഷ വിദ്യാര്‍ത്ഥിയായ ശ്യാം പത്മനാഭനെ തിങ്കളാഴ്ച മുതലാണ് കാണാതായത്. പാങ്ങപ്പാറയില്‍ മാതാപിതാക്കള്‍ക്കൊപ്പം താമസിക്കുന്ന ശ്യാം ലൈബ്രറിയില്‍ പോകുന്നുവെന്ന് പറഞ്ഞാണ് വീട്ടില്‍ നിന്ന് ഇറങ്ങിയത്. പിന്നീട് മടങ്ങിവന്നില്ല. തുടര്‍ന്ന് ബന്ധുക്കള്‍ പോലീസിൽ പരാതി നൽകുകയായിരുന്നു.
മൊബൈല്‍ ഫോണ്‍ റിംഗ് ചെയ്യുന്നുണ്ടെങ്കിലും എടുക്കുന്നില്ല. കാര്യവട്ടം ക്യാമ്പസാണ് മൊബൈല്‍ ടവര്‍ ലൊക്കേഷന്‍ കാണിക്കുന്നത്. ക്യാമ്പസിനുള്ളിലെ കാട്ടിനുള്ളില്‍ പൊലീസും ഡോഗ് സ്ക്വാഡും തെരച്ചില്‍ നടത്തിയെങ്കിലും ഫലമുണ്ടായില്ല. ക്യാമ്പസിലേക്ക് കയറി പോകുന്ന സിസിടിവി ദൃശ്യങ്ങളും ലഭിച്ചിരുന്നു. വ്യാഴാഴ്ച വൈകിട്ട് ഐടി ജീവനക്കാരായ സുഹൃത്തുക്കളും കോളേജിലെ വിദ്യാർത്ഥികളും ചേർന്ന് ക്യാമ്പിൽ പരിശോധന നടത്തിയിരുന്നു.
Post Your Comments