മുംബൈ: കര്‍ണാടക പ്രതിസന്ധി പരിഹരിക്കാന്‍ കോണ്‍ഗ്രസ്. വിമത എംഎല്‍മാരെ അനുനയിപ്പിക്കാന്‍ കോണ്‍ഗ്രസ് നേതാവ് ഡി.കെ ശിവകുമാര്‍ മുംബൈയിലെത്തി. എം.എല്‍മമാരെ കാണാനാണ് മുംബൈയിലെത്തിയതെന്ന് ശിവകുമാര്‍ പറഞ്ഞു.
അതേസമയം മുഖ്യമന്ത്രി എച്ച്‌.ഡി. കുമാരസ്വാമിക്കും മുതിര്‍ന്ന നേതാവ് ഡി.കെ. ശിവകുമാറിനുമെതിരേ വിമത എംഎല്‍എമാർ രംഗത്തെത്തി. തങ്ങൾക്ക് ഭീഷണിയുണ്ടെന്ന് അറിയിച്ചുകൊണ്ട് കുമാരസ്വാമിക്കും ശിവകുമാറിനുമെതിരേ മുംബൈ പോലീസ് കമ്മീഷണർക്ക് എംഎൽഎമാർ പരാതി നൽകി.
വിമതര്‍ താമസിക്കുന്ന മുംബൈയിലെ റിനൈസന്‍സ് പവായ് ഹോട്ടലിലേക്കു ശിവകുമാറും കുമാരസ്വാമിയും എത്തുമെന്ന് അറിഞ്ഞതോടെയാണ് പരാതി നൽകിയത്.ശിവകുമാറിനെയും കുമാരസ്വാമിയെയും ഹോട്ടല്‍ പരിസരത്ത് എത്താന്‍ അനുവദിക്കരുതെന്നും പരാതിയിൽ പറയുന്നു. ഇതോടെ ഹോട്ടലിനു മുമ്പിൽ പോലീസ് സുരക്ഷ ശക്തമാക്കി.
എന്നാല്‍ ശിവകുമാറിനെ ഹോട്ടലിനു മുന്നില്‍ തടയില്ലെന്ന് മുംബൈ പോലീസ് അറിയിച്ചു.
Post Your Comments