മുംബൈ: പരിക്കേറ്റ ഓള്‍ റൗണ്ടര്‍ വിജയ് ശങ്കറിന് പകരം മായങ്ക് അഗര്‍വാളിനെ ഉൾപ്പെടുത്തി. കാല്‍ വിരലിനേറ്റ പരിക്ക് കാരണം താരത്തെ മാറ്റുകയാണെന്ന് ബിസിസിഐ അധികൃതര്‍ ആണ് അറിയിച്ചത്. വിജയ് ശങ്കര്‍ ഇന്ത്യയിലേക്ക് മടങ്ങി. പകരം മായങ്ക് അഗര്‍വാള്‍ ലണ്ടനിലേക്ക് തിരിച്ചിട്ടുണ്ട്. കഴിഞ്ഞ ദിവസം നടന്ന ഇംഗ്ലണ്ടിനെതിരായ മത്സരത്തിലും വിജയ് ശങ്കർ കളിച്ചിരുന്നില്ല. പകരം ഋഷഭ് പന്ത് ആണ് കളിച്ചത്.
കഴിഞ്ഞ വര്‍ഷം ഓസ്‌ട്രേലിയക്കെതിരെയായിരുന്നു മായങ്ക് അഗർവാളിന്റെ ടെസ്റ്റ് അരങ്ങേറ്റം. അതേസമയം, രണ്ടാമത്തെ താരമാണ് പരിക്ക് കാരണം ഇന്ത്യന്‍ ലോകകപ്പ് ടീമില്‍ നിന്ന് ഒഴിവാകുന്നത്. ഓപ്പണര്‍ ശിഖര്‍ ധവാനെ നേരത്തെ ടീമില്‍ നിന്ന് ഒഴിവാക്കിയിരുന്നു. പകരം ഋഷഭ് പന്തിനെയാണ് ടീമില്‍ ഉള്‍പ്പെടുത്തിയിരുന്നത്.
Post Your Comments