ബിര്‍മിങ്ഹാം : ഇന്ത്യ- ഇംഗ്ലണ്ട് ലോകകപ്പ് പോരാട്ടം അല്‍പ്പ സമയത്തിനകം ആരംഭിക്കും. അതിലുപരി ഋഷഭ് പന്ത് ലോകകപ്പിൽ അരങ്ങേറ്റം കുറിക്കുന്നു എന്നൊരു പ്രത്യേകതകൂടി ഇന്നത്തെ മത്സരത്തിനുണ്ട്. ടോസ് ഇംഗ്ലണ്ടിനാണ് ലഭിച്ചിരിക്കുന്നത്.ഇന്ത്യക്കെതിരെ കിട്ടിയ ടോസിൽ ഇംഗ്ലണ്ട് ബാറ്റിംഗ് തെരഞ്ഞെടുക്കുകയും ചെയ്തു.
വിജയ് ശങ്കറിന് പകരമാണ് ഋഷഭ് പന്ത് കളത്തിലിറങ്ങുന്നത്. നാലാം നമ്പറില്‍ തിളങ്ങാന്‍ സാധിക്കാത്തതാണ് വിജയ് ശങ്കറിന് വിനയായി മാറിയത്. താരത്തിന്റെ മങ്ങിയ ഫോം വന്‍ വിമര്‍ശനങ്ങള്‍ക്കും ഇടയാക്കിയിരുന്നു.ടീമില്‍ മറ്റ് മാറ്റങ്ങളില്ല.
വിജയത്തോടെ സെമി ബര്‍ത്ത് ഉറപ്പിക്കാനാണ് ഇന്ത്യ ഇറങ്ങുന്നത്. തുടക്കത്തില്‍ വന്‍ മുന്നേറ്റം നടത്തി പിന്നീട് തുടര്‍ തോല്‍വികള്‍ ഏറ്റുവാങ്ങേണ്ടി വന്ന് സാധ്യതകള്‍ ത്രിശങ്കുവിലായ അവസ്ഥയിലാണ് ഇംഗ്ലണ്ട്. ഇന്ന് വിജയം അനിവാര്യമാണ് അവര്‍ക്ക്. ഇന്നത്തെ മത്സരത്തില്‍ ഇന്ത്യ ജയിക്കണമെന്ന് പാകിസ്ഥാന്‍ ആരാധകരും പ്രാര്‍ഥിക്കും. കാരണം ഇംഗ്ലണ്ടിനാണ് വിജയമെങ്കില്‍ പാകിസ്ഥാന്റെ സെമി പ്രതീക്ഷകള്‍ക്ക് അത് കനത്ത തിരിച്ചടിയാകും.
Post Your Comments