പാകിസ്ഥാന് ജയം : തോൽ‌വിയിൽ നിന്നും തോൽവിയിലേക്ക് അഫ്ഗാനിസ്ഥാൻ

ലീഡ്‌സ്: ലോകകപ്പ് പോരാട്ടത്തിൽ പാകിസ്ഥാന് ജയം. മൂന്ന് വിക്കറ്റിനാണ് അഫ്ഗാനിസ്ഥാനെ തോൽപ്പിച്ചത്. ടോസ് നേടിയ അഫ്ഗാനിസ്ഥാൻ നിശ്ചിത ഓവറിൽ ഒൻപത് വിക്കറ്റ് നഷ്ടത്തിൽ നേടിയ 227 റൺസ് മറുപടി ബാറ്റിങ്ങിൽ രണ്ടു പന്ത് ബാക്കി നിൽക്കെ മറികടന്നു. 49.4 ഓവറിൽ ഏഴു വിക്കറ്റ് നഷ്ടത്തിൽ 230 റൺസ് സ്വന്തമാക്കി.

PAKISTAN HAVE WON IT BY THREE WICKETS!#CWC19 | #PAKvAFG

— ICC Cricket World Cup (@cricketworldcup) June 29, 2019

അവസാന ഓവറുകളില്‍ മികച്ച പോരാട്ടത്തിലൂടെ ഇമാദ് വസീമാണ്(പുറത്താവാതെ 49 ) പാകിസ്താനെ ജയത്തിലെത്തിച്ചത്. ഫഖര്‍ സമാൻ(0), മാം ഉള്‍ ഹഖ്(36), ബാബര്‍ അസം(45), മുഹമ്മദ് ഹഫീസ്(19), ഹാരിസ് സൊഹൈല്‍(27), സര്‍ഫ്രാസ് അഹമ്മദ്(18), ഷദാബ് ഖാന്‍(11) എന്നിവരാണ് പുറത്തായ പാക് താരങ്ങള്‍. വഹാബ് റിയാസ്(15) ഇമാദ് വസീമിനൊപ്പം പുറത്താവാതെ നിന്നു.

Pakistan go fourth in the #CWC19 standings ? #WeHaveWeWill pic.twitter.com/FfH5JjC6PM

— ICC Cricket World Cup (@cricketworldcup) June 29, 2019

ഈ ജയത്തോടെ പാകിസ്ഥാൻ സെമി സാധ്യതകൾ നില നിർത്തി. എട്ട് കളിയില്‍ ഒന്‍പത് പോയിന്‍റുമായി ഇംഗ്ലണ്ടിലെ പിന്നിലാക്കി നാലാം സ്ഥാനം പാക്കിസ്ഥാന്‍ സ്വന്തമാക്കി. ഒരു ജയം പോലും നേടാനാകാതെ അവസാന സ്ഥാനത്താണ് അഫ്ഗാനിസ്ഥാൻ.

സ്‌കോര്‍: അഫ്ഗാനിസ്ഥാന്‍- 227-9 (50), പാക്കിസ്ഥാന്‍-230-7 (49.4).